28/1/2009(大年初三)
大年初三係軼賢小主嘅嫲嫲生日，有好多親戚朋友嚟拜年食晚飯一齊同嫲嫲慶祝生日!
嫲嫲第一年有孫女同佢慶祝生日，笑到見牙唔見眼!
大壽包入面有12個小壽包。個個賓客都等食壽包，食到幾飽都要食一個，因為個壽包真係好好食架!
2009年1月29日星期四
大年初三 -嫲嫲生日快樂!2009
大年初三係軼賢小主嘅嫲嫲生日，有好多親戚朋友嚟拜年食晚飯一齊同嫲嫲慶祝生日!
嫲嫲第一年有孫女同佢慶祝生日，笑到見牙唔見眼!
大壽包入面有12個小壽包。個個賓客都等食壽包，食到幾飽都要食一個，因為個壽包真係好好食架!
2009年1月28日星期三
2009年1月27日星期二
牛年@大年初一2009
恭喜發財
26/1/2009(大年初一)
大年初一，一早就同軼賢小主過去隔離座同嫲嫲拜年，之後食完午飯出就發去拜年喇!
今年軼賢小主第一年去拜年，真係大豐收呀!因為BB係舊曆大年初六出世，好多長輩都比埋生日利是比軼賢小主，好開心呀!
2009年1月26日星期一
2009年1月23日星期五
軼賢小主病病呀!
依個星期好辛苦，由上星期三晚軼賢小主由零晨2點幾嘔到6點幾，我都數唔到佢嘔咗幾多次喇!只係知BB嘔到好辛苦好驚，瞓瞓吓又嘔，瞓低就嘔，抱住瞓都嘔，加埋上星期又凍，巳經嘔到我全屋被都用晒，嘔到6點幾終於無嘔喇!但係我同Bebe爸爸成晚無瞓，跟住就返工。
以為軼賢小主嘔完無事，點知又肚瀉，所以軼賢小主成個禮拜都瞓得唔好，BB瞓得唔好，我兩個又邊到有得瞓吖，成個禮拜都無好好瞓過，終於到我由星期日晚開始唔妥，由胃痛到胃抽筋又嘔又發燒，好辛苦，連爬去睇醫生都無力，跟本就起唔到身返工，跟住連Bebe爸爸都發埋燒，終於成家變成病貓。
軼賢小主您要快d好返，農曆新年到喇!有好多節目同您出動呀!2009年1月15日星期四
軼賢小主11個月大喇!
12/1/2009(星期一)
時間真係好快過呀!軼賢小主話咁快就11個月喇!
軼賢小主開始懂事同好似好識野咁，有一晚喺奶奶屋企食緊飯，接咗電話，因為有突發事，全家人去咗醫院，剩返我同軼賢小主喺屋企，之後軼賢小主好扭計，因為平時食完晚飯屋企起碼都有爺爺、嫲嫲、Bebe爸爸陪軼賢小主玩，點知成晚“靜英英”無人同佢玩，軼賢小主竟然由廳爬入去房續間房搵吓d人去咗邊，連廁所都走去拍埋門，真係講你都唔信。
仲有依家識得錫人，識得拍手，一講“好嘢”佢就拍手，有野食同開心自己都會拍手，你同佢ByeBye，佢又識同你ByeBye。
依兩日叫佢 “請請”都識喇!不過唔係叫親都肯“請請”。最緊要喺拜年嘅時候識同人“請請”咁先可以“豆”多d利是錢架ma!!
不過做所有野都係睇心情，我覺得BB都幾情緒化架，開心你叫佢做咩都肯，唔高興眼尾都唔望吓你呀!
- 女,
- 生活記敍,
- 軼賢小主11個月大喇
2009年1月10日星期六
天氣寒冷!!!!!!!
9/1/2009(星期五)
軼賢小主由出世到依家都最唔鍾意著衫，一著衫就發老俾，仲要著到隻糉咁就最唔鍾意喇! 但係近日嘅天氣轉涼，仲要係寒冷，要軼賢小主著衫就最困難喇!我知道近日穎穎表姊病咗!希望佢快D好返!可以快D返學喇!因為小朋友病咗大人細路都好辛苦架!
所以大家要小心身體，著夠衫，唔好著涼呀!
軼賢小主：咁凍都要蓍架。
軼賢小主：你影夠未呀!!!我要除衫呀!!!!
2009年1月9日星期五
結婚6週年
8/1/2009(星期四)
結婚6週年
時間過得好快，由期係有咗軼賢小主之後就更加快過，雖然小咗2人世界嘅時間，但係就好充實，由朝到晚無時停，就連瞓覺都無得停，以往我好爛瞓架，依家一聽到軼賢小主有小小郁動或者踢被都一定知，真係做咗媽咪之後自自然然醒瞓咗好多，唔知點解Bebe爸爸又唔覺喎! 除非BB喊醒佢先知或者起身!!!
不過今晚都會同老公出尖沙咀食飯過吓2人世界，但係食完飯都要快快趣趣返屋企揍軼賢小主，始終工人未到，去街都係心掛掛。 - Yahoo! 用戶
Hihi!!
仲有好多款式架, 得閒入黎睇下丫
想第一時間知道有咩新款,可以訂閱此Blog
http://hk.myblog.yahoo.com/mylovebb-shop
打攪晒~~~
本人知道此留言會重覆, 如此留言對閣下.. - 傑思SEASA
嘻, 我都已四週年~~成日都諗住你地點慶祝呢~~大家結婚週年快樂~~- Emily
係喎!你都係8 Jan號註冊架喎!
- SANDY
話咁快就6周年,出年就7年之癢啦!!!!! 我上年以平平淡淡過了 今年以係8周年了.
穎穎豬呢2日又發燒,又疴,又嘔好辛苦 ,成日話肚仔痛,係咁喊 返咗2日學就立刻要請病假,都唔知咩事真煩- Emily係喎出年7年之癢喇!真係棲涼喇! 穎穎豬仲咩又病呀!依家D病菌好勁架! 真係要小心D呀! 唔掂就即刻轉Dr.喇!
2009年1月6日星期二
蘇家私房火鍋
3/1/2009(星期六)
星期六晚得到蘇家邀請我一家及Simmy一家出席罕有宴客嘅蘇家私房火鍋，當晚火煱美食新鮮豐富，其中有美味新鮮肥牛、象跋蚌、生蠔(成隻手掌咁大)，手打魚滑、手打虾膠等等，雖然虾膠我唔食得，但係我都知係好好味呀!當晚軼賢小主雖然未識食火鍋，但係都有份食水果，軼賢小主仲食到點晒頭話好好味呀!
當晚食完火鍋軼賢小主仲有禮物收，真係又食又拎。多謝您呀蘇家私房火鍋!
2009年1月4日星期日
2009年1月3日星期六
Thomas and his friends!
31/12/2008(星期三)
除夕當日要開工，雖然有得早收工，但返到屋企巳經6點幾，又想去愉景新城同Thomas & Friends影相，又要上媽咪屋企打邊爐，因為大除夕當晚剛剛喺媽咪舊曆生日，所以媽咪約咗我地返屋企同佢一齊打邊爐慶祝同倒數。軼賢小主當晚好高興12點都未眼瞓，第一年倒數，喺倒時軼賢小主人叫佢又叫，不過就有D驚驚青青，軼賢小主好似知道要捱完倒數先有得返屋企瞓覺咁，倒數完無幾耐就扭眼瞓要返屋企喇!
軼賢小主喺婆婆新曆生日無佢影相，喺舊曆生日補返數喇!
當晚穎穎表姊同Sandy姨一家同我地一齊倒數。
訂閱：
文章 (Atom)
ELLA嘔前係睇左醫生架啦?? 咁嘔法真係嚇死@@