24/2/2009(星期四)
軼賢小主
一直以來都好想你用學習杯飲水，但係買咗個飲管杯比你，你用極都好似唔識吮咁，唔係用嚟咬就係用嚟掉，試咗幾次都唔識吮，激C媽咪呀!其他BB細過你人地都識用飲管杯喇!結果我將學習杯收埋幾日，噖晚拿出嚟比你再試，依!突然間識吮嘅!仲吮得好快添，吮到唔肯放手，直至幾乎成杯水吮完先肯停。
算您喇!無浪費隻杯。
媽咪
2009年2月25日星期三
唔肯坐BB車
24/2/2009(星期二)
軼賢小主
您近來你好曳呀，成日都唔肯坐落BB車，噖日朝早爺爺放您落BB車，你又試唔肯坐，您好似隻樹熊咁攬住爺爺唔肯落車仔，我睇到咁情況更係出手喇!一手抱您放落車仔，好在您又唔感AIR媽咪，都肯坐。但係當晚爺爺話比我知，您坐咗落BB車後，落到樓下，好似嬲咗成村人咁，咩人叫您都唔採唔應，爺爺問您嬲咩?係唔係要抱呀?之後，爺爺話一抱返您即刻笑返，我心諗BB您咁細個就識得有皮氣，真係比您激親呀!
媽咪
{資料圖片}
- AS
好好!! 約個時間!! - wetwet54 樂融豬用 "金蟬脫殼" lee 一招呀!
- Emily
好野喎!
- AS 吓!! 咪玩la. Sunday 係我充電日, 你想我病咩!! 就算出, 我一家四口, 你請食早餐都好"容", 怕你蝕水!! 不過都係無可能的!!
- Emily 唔係呀!請您都唔到!!!!
- AS 吓!! 咪玩la. Sunday 係我充電日, 你想我病咩!! 就算出, 我一家四口, 你請食早餐都好"容", 怕你蝕水!! 不過都係無可能的!!
- AS OK!! No Problem!! When?? 約個時間la!!
- Emily 好!一於星期日早上喇!請妳食埋早餐又點話吖!
- 傑思SEASA
佢扭下扭下，就將本來個安全帶扭到去一邊，跟住子澄公主就順勢企左喺度＠＠唔知你幻唔幻想到個情景，但子澄公主每日都會做轉身咬車邊動作＠＠望少眼都唔得～～我好快就唔會比bb車子澄坐架啦~~haha- Emily 都好難想像到個情景，真係要見到先明白。總之依家 d 小魔怪我地真係估佢唔到架 ! 望少眼都唔得 ~ 我同意呀 ! 因為有日早上唔知點解軼賢小主手上會拿住個大銀，好快手咁，正想放入口 !!!!! 後果 ………. 不敢想像 !!!
- AS 打.........................打....................!!!!
- Emily 打 ! 越打越粗皮 ! 不如妳有時間見多 d 軼賢小主，幫我教訓吓佢仲好喇 ! 佢上次見妳嘅時候妳叫佢做咩都肯做，因為小朋友同 BB 都識得欺善怕惡架 !!!
- 傑思SEASA 軼賢小主都未見過子澄公主直頭轉身企喺bb車的驚險場面, 要不又會有樣學樣(子澄公主基本上日日如是, 用左安全帶都無用@@)
- Emily 無理由喎有安全帶都擒到出嚟嘅 ? 子澄應該未識解開安全帶架 ?
- wetwet54 軼賢小主唔肯坐落 BB 車到, 總好過喺 BB 車擒出嚟吖... 樂融豬就試過擒出嚟差 D 跌倒呀! 遲 D 軼賢小主識行, 佢又會要坐返 BB 車架喇!!
- Emily 點解會擒到出嚟嘅，有安全帶喎，因為樂融豬巳經識解開安全帶 ?
我知呀軼賢個表姐都係識行返而唔肯行呀 !成日要大人抱!
2009年2月24日星期二
美術字畫
21 February 2009(星期六)
之前都有朋友畫過依類咁靚嘅字畫，但係就遇唔到伯伯嚟沙田區畫，今次見到更係第一時間同軼賢小主寫返張喇! 我覺得伯伯好叻呀!畫得又快又靚，最重要就係一D都唔貴。我都有D後悔無幫自己個名畫一張呀!
- wetwet54 要見到 lee 個伯伯真係好睇緣份囉.... N 年前喺赤柱見過人寫 lee d 美術字, 但唔知係唔係 lee 個伯伯... 08 年見過佢兩次, 一次喺錦田西鐵站出面的跳蚤市場, 一次喺我屋企樓下的商場!
- Emily 你都好吖，見過伯伯 2次 。 下一次見到伯伯我一定會畫返張比自己。不過唔知要等幾耐呢 !
- wetwet54 係同一個伯伯呀!!! 樂融豬都有一張呀!! 我都後悔無同樂融豬整張英文名呀!! 伯伯 d 英文宇都寫得好靚架, 好似一幅山水畫咁架! 中文字多數係 "雀仔", 英文字會有 "海豚" 同 "日出山水畫", 勁靚呀! 伯伯依家喺..
- Emily 係呀真係中英文都畫得好靚架!
我叫伯伯幫我畫果日係沙田 last day ，我巳經問定伯伯下一站會去邊，伯伯好型咁話，我未知喎！我住沙田咁多年都係第一次見伯伯出現。
2009年2月20日星期五
SNOOPY LAND
15/2/2009(星期日)
今日專程去SNOOPY LAND比軼賢小主玩船船，因為我同Bebe爸爸時時同軼賢小主去新城市廣場行街，但係就無同BB去過SNOOPY LAND玩，有一次同BB入去SNOOPY LAND行，佢見到人玩船船嘅時候笑晒口好開心，但佢無得玩，因為當時排隊條龍好長，又要去買野先有單去玩，所以今日一心去買野比軼賢小主入去玩船仔。
- 傑思SEASA 果間得意呀麻haha只限2 years old以下的bb進食:p 但佢地食物全都係和光堂, 和光堂的食糧麻麻@@
- 傑思SEASA 軼賢小主好開心喎~~
我正諗緊子澄生日帶佢去邊, 新城市廣場係首選^^但聽網友講果間bb food 餐廳的食物好難食haha~~再度下去邊好先;)- Emily 去 SNOOPY LAND 都係一個好提議，行吓玩一陣您返屋企又方便。
係唔係話一田果間 BB food 難食呀！邊個叫您幫襯果間喎！新城市廣場有咁多選擇！
- 小孖寶
我都好耐冇去啦 ~
開始大減價 , 快 d 入來睇下啦 !!!
http://hk.myblog.yahoo.com/shoppingveryeasy
- wetwet54 軼賢小主都好開心喎!!
- Emily 係呀 ! 可能佢唔係成日有得去 club house 或者游樂場玩，所以咁 Happy!
2009年2月16日星期一
情人節快樂2009!
2月14情人節
今年情人節去咗軼賢小主姑姐屋企BBQ，20人一齊BBQ，，好熱鬧呀，之後最Surprise就係軼賢小主姑姐話BB無開生日PARTY，要同軼賢小主補祝生日要比BB切蛋糕，之後重有禮物收同有好多親戚比生日利是BB!軼賢小主都算係大豐收喇! 過咗生日都仲有禮物&咁多生日利是收。haha!
又有車車玩，軼賢小主最開心!
BBQ期間有落雨，好在軼賢姑丈時常BBQ，早有準備，落雨都唔怕。
表姑姐送嘅禮物，軼賢小主揸住唔放。
本來以為只係BBQ，點知軼賢小主有蛋糕切喎，好開心呀!
多謝軼賢小主姑姐姑丈提供場地及美食，令大家過了一個開心又愉快的情人節。
大合照
- 傑思SEASA 我覺得, 1 year old, 個女咩都唔識, 普通一家三口+老人家切蛋糕已好足夠^^ 遲d佢年年話去m 記, 肯記, 冒險樂園度搞, 你有排煩啦haha
- 傑思SEASA 嘩!!突然唻一個20人生日會，正！！
子澄爸話幫子澄喺m記搞(我話咁細個唔駛吧), 跟住我建意在家搞, 但只叫親戚, 不過唔可以打麻雀或打機, 子澄爸話有佢在無可能無機打@@(但生日會明明係子澄的, 唔想任何大人活..- Emily 點解會私人回應 ?
我都有開生日會嘅煩惱 ! 本想同軼賢小主開生日會，但係一諗起請得朋友，又要請埋親戚，請得親戚朋友之餘又有男女家的親戚朋友，你睇剩係 Samuel 依邊親戚未到齊都 20 人，如果加埋我屋企的親朋戚朋友，我都唔識攪，所以今年無心理準備下，所以唔攪生日 party ，今次依個 BBQ Party ， Samuel 巳經驚我 d 家姐細妹會話架喇 ! 所以又係在傾唔掂數下結果唔攪，真係頭痕 ! 有無好提議 ?
訂閱：
文章 (Atom)