22/1/10(星期五)
今晚軼賢表叔請食飯呀
軼賢媽&be爸放工後急急趕返入沙田
去到見軼賢小主坐到“呆呆地”
因為未齊人,
軼賢小主又要出去walk walk
哩道有魚池仲有好大條嘅錦鋰魚
每次嚟到軼賢小主都睇魚魚睇得好開心嫁
但係見到成群錦鋰游上嚟以為有嘢食時
軼賢開心得嚟又顯得好驚青喎!
***
依家好難先捉到軼賢小主坐定定影相呀!
同伯伯影哩兩張好老積
同媽媽影吓喇!
睇完魚魚坐返埋位等開飯喇!
軼賢小主近排好 “潮氣”呀?
小動作又多
食食吓飯無喇喇要嗲be爸抱抱
廿四孝老豆又點會托軼賢手肘吖!
軼賢嗲完be爸
見到表叔嗰檯有兩個姐姐
又想同人玩,又有d怕醜
不過大家都係小朋友好快熟絡,
軼賢從來唔比唔外人抱抱
竟然肯比哩兩位姐姐抱喎
仲不停同兩位姐姐講嘢
後來軼賢媽問兩位姐姐
究竟軼賢同您地講乜嘢?
佢地嘅答案係,哈哈!我都唔知佢講乜嫁!
***
多謝表叔又請我地一家食飯呀!
一家人同親戚坐埋一齊傾吓講吓最開心
16/1/2010(六)
上回講到星期六下午
同軼賢小主砌完BB床後
去咗荃灣搵軼賢婆婆食晚飯
食完飯更係又上婆婆屋企玩喇!
嚟婆婆屋企軼賢最開心就係有得玩彈琴
自彈
自唱
好投入呀
玩完彈琴又要玩貓
仲連貓貓玩具都唔放過
軼賢同齊齊表姊一人一枝揸住嚟跳羽毛舞
跳完舞重攪嘢,
係婆婆屋企剪埋頭髮添
本應諗住同婆婆借較剪返屋企用
後來見軼賢同表姐玩得咁開心
又啱啱坐係Potty咁乖
成機同軼賢小主剪埋頭髮喇!
今次重係be爸親自造刀
雖然唔係剪好多
都叫做第一次自家Hair Cut無喊!
成功喇Yeah!
不過要辛苦婆婆執手尾
唔該晒!
***
當晚軼賢玩到十點幾都唔願走
上星期又壞電腦又要攞部相機去整
停滯咗個幾星期
仲係講緊對上星期六
所以有好多篇blog未寫
要快手d先得
16/1/2010(星期六)
今日喺新城市廣場食完午飯
同軼賢小主去咗荷花
軼賢小主對哩道嘅小童檯及椅好有興趣呀!
見到哩張椅又話 貓貓喔!
今次嚟荷花目的係買床,
阿囡,不過唔係哩張呀!
係呀真係要買床呀?
軼賢媽都唔感相信!!!
23個月大先嚟要用錢買第一張BB床,
真係覺得有點無耐同攪笑
但係無辦法喇!
軼賢夜晚瞓緊果張BB床真係太短太細已經瞓唔到喇!
又唔想咁快要軼賢自己瞓隔離房,
同be爸相量過後都係買張bb床
買bb床係最快解決到哩個問題
所以我地今次係嚟攪攪震有幫襯嫁!
***
太急用喇!
等唔切送貨
即時買即時搬運咗返屋企
同be爸兩人合力切好張BB床
等軼賢今晚有新床瞓
好開心!飲完奶奶,仲影到軼賢講 "早抖爸爸媽媽"呀!
軼賢小主知道有新床仔都好開心, "look來look去"
希望軼賢小主換咗新床仔會瞓得好d
囡囡發返個甜夢喇!