軼賢小主越來越大膽
由波波完全唔彩佢
到依家波波接受咗佢比佢模
但係軼賢似乎有點得寸進尺喎
點解大家睇片就知喇!
軼賢 整古完波波重喺度 哈哈大笑!
唔知係唔係波波已經老喇! 收晒火!
換轉以前，波波一定唔會比佢咁攪
仲唔晨早咬咗佢咩!
雖然軼賢依家會“虾”波波
但係都好錫佢嫁
每晚入屋鞋都未除第一時間就要攞貓糧比波波食
不過倒到通屋都係之嗎!
有一晚be爸未返
軼賢媽喺廚房開緊奶時 出嚟就見到哩d場面喇!
不停追住波波叫佢 您食喇! 快d食喇!
阿囡您食飯時,我夠想您快d食喇!
見到咁到嘅情況
真係唔知話您乖好 定鬧您好?
12/4/2010星期一)
哩篇Blog足足遲咗個幾星期先出到，
VC真係唔好意思呀!
因為之前太多篇未寫，積埋積埋，廷到今日，
講返去咗邊樹食飯先
VC提意去蘭桂芳
嘩!軼賢媽好耐無上過“老蘭”喇!
Book咗食泰國菜
叫咗成檯食物，最後幾乎要攦 “包、剪、揼” 先至食得晒
生日更係要影相喇! VC&軼賢媽
澄媽 & CM
影合照時發現大家都著到 “黑媽媽”
食食吓飯大家係度統計，原來我地約親飯局食泰國菜嘅比例都幾高吓!
好!下次要比多少少心思，諗d新意先得。
食完晚飯都未夠9點，又想食甜品，
CM提意去HD食雪糕
不過美中不足澄媽有蟻咬要先走。
得返我地3個去食雪糕
CM’s 揀咗好味雪糕球
我同VC就order 咗 心太軟一齊share
等雪糕之時大家傾到d開心嘢
傾到唔捨得走
但係CM要趕搭船
唯有下次再約出嚟傾過喇!
10/4/2010(星期六)
今日軼賢小主無人湊呀?
因為嫲嫲今日要返大陸飲宴
咁啱軼賢媽又請唔到假喎!
諗住叫lulu單對單，頂半日應該無問題掛!?
還掂依家軼賢咁跟lulu
幾經申苦先講掂嫲嫲
點知!平時多數唔放假嘅lulu
(先旨聲明唔關我地事吖，平時係佢自己要求要錢唔要假嫁!)
當日又話一定要放喎!
真係頭都暈埋!
唔通要軼賢媽帶埋軼賢返公司!?
好彩!
最後嫲嫲都搵到許太幫手照顧軼賢
到安排好晒，lulu又話可以唔放，改另一日放喎!
真係玩咩!
Be爸同軼賢媽一放工9秒9返屋企接力喇!
軼賢下午因為唔肯午睡
好早去咗[荃新天地]行街街
行一輪
等埋 婆婆同 齊齊表姐
一齊上咗Sandy E屋企hea
因為晚上約咗Sandy E一家喺翠園食晚飯
又係分兩輪6PM / 8PM
Book 咗 8PM超多人
Book咗都要等好耐
講到食物都冇乜特別
所以軼賢媽都唔記得影相添
軼賢就同兩個表姊掛住玩無心機食飯
成日掛住落地玩
其實軼賢已經好眼瞓喇!
好喇!三位大小姐同婆婆影埋張相先就講bye bye喇!
眨吓眼又一日，
眨吓眼又一個星期，
d時間過得好快呀!
5/4/2010(星期一)
假期第4天
今日清明節
自從結婚後每年清明節的指定動作就係跟隨老公一家去柴灣拜山
今年有少少掙扎究竟好唔好同埋軼賢小主一齊去拜山呢?
仲要果日lulu放例假喎!
加上知道幾日假期嘅天氣都唔好!
但係我知Be爸想同軼賢一齊去
結果叫咗lulu調假
清明節當日都有落雨
不過好彩唔係太大雨
反正都係搭taxi
結果都係一齊出發!
雖然全程我地都無放過軼賢落地下
不過軼賢媽情願大家辛苦d都攞埋BB車仔去
起碼大家唔駛抱餐C嗎!
當日如我所料好煙好多人
軼賢去到現場一直都好合作
但係軼賢見住現場咁嘅環境
始終感覺唔係咁舒服
原本拜山過程可以好快
最大問題係有d人遲到
我地第一批到達嘅 已經逗留咗個幾鐘頭，
個個已經煙到喊晒口喇!
其實軼賢已經好乖好合作架喇!
不過真係等得太耐關係
軼賢開始唔耐煩
唯有lulu抱吓be爸抱吓、軼賢媽抱吓又轉吓手
但原來都唔及放落車仔好，早知。。。
最後都叫順利完成
軼賢第一次去拜拜 太爺、太嫲、太公、太婆，大舅公
大成功! Yeahhhhhh!
回程冇乜交通公具選擇唯有20人
一齊搭咗巴士到柴灣轉MTR去太古城食午飯
好少坐巴士嘅軼賢小好奇又興奮
比我地坐咗最前排座位，一坐低，
軼賢立即遞條seat belt比媽咪同佢攬，叻叻!
不過軼賢都一定要媽咪攬埋一份呢!
兩檯人食完晏，
濠濠盪盪上咗juju表哥係大坑間新屋參觀
軼賢一入屋就走咗出露台
原來伋中表哥露台架車
好大嘅露台，對住大球場，無敵靚景
大家好似參加睇樓團咁!
軼賢玩完車車
不停搜索表哥嘅玩具
玩搖控車
玩氣球
玩泥膠
又畫畫
再玩煮飯仔
完全自動波唔駛我理
事實上係睬我都傻
我地班 大細路
就玩驚險刺激層層疊
原來伯伯最水皮
之後見表哥靜下來睇書，
軼賢又睇埋一份
玩咗成個下晝，嘆返支奶先!
諗住軼賢飲完奶會瞓一陣
點知飲完又彈返起身唔瞓
鬼咩!表哥咁多玩具，
點捨得瞓吖!
玩到夠鐘出去食晚飯時就嚟瞓著。
不過今日大人細路都好開心。
表哥間屋好大好靚呀!!