21/6/2019(星期一)
今晚約咗婆婆&Uncle入嚟沙田去食晚飯
同Uncle預早慶祝生日
叫埋爺爺嫲嫲一齊慶祝埋父親節!
真係一舉兩得呀!
當日思齊媽放假
婆婆唔駛湊思齊
可以食得輕鬆D
婆婆Uncle第一次試 “龍門客棧”
都讚“龍門客棧”d食物及環境都好好喎!
"心形茶杯" 好有心思喔!
心情輕鬆食嘢都好味d喇!
不過軼賢就有d失落喇!
因為嫲嫲話比佢知有思齊表姐陪佢玩
點知原來表姐無嚟吖!
思齊真係好錫軼賢表妹嫁
托婆婆帶咗個玩具表軼賢玩
軼賢好乖喎主動埋去搵婆婆喎!
婆婆更係捉佢影返張相喇!
大家食飽飽後，又係時候講bye bye
Be爸今晚無飲酒，可以車埋婆婆返屋企呀!
Good Night!
26/6/2010父親節
軼賢今日又係六點幾就起身
諗住可以軼賢會飲完奶再瞓
結果更係無再瞓喇!
軼賢同mami話 去食早餐好唔好?
mami同軼賢講今日係爸爸節
快d錫錫爸爸喇!
阿囡一錫爸爸立即醒晒
兩父女
mami在後面看著be爸拖住軼賢時有一種好特別嘅感覺
係咩呢?
軼賢好似知道係爸爸節咁!
全程黐住爸爸
連去買早餐都寸步不離
當然be爸都好享受阿囡黐住佢啦!
終於過嚟比mami抱喇!
其實係想飲mami杯green tea吖!
食完早餐本來想同軼賢去遊樂場
可能早起身見軼賢開始眼瞓
要同佢返嫲嫲屋企喇!
午餐都無出外面同人迫
只係同爺爺嫲嫲喺屋苑飲茶
仲要係be爸埋單添
不過自從be爸有了軼賢升呢做咗爸爸之後
父親節有個囡佢已經好滿足啦!
佢話唔雖要特別慶祝喎!
當晚姑姐喺嫲嫲屋企食完飯
講開新車落地未載過佢
叫be爸開車載佢同姑丈返屋企
點知成家好高興個個都話要走一轉屯門當遊車河喎!
結果Full car(坐足八位)
我地一家三口，爺爺嫲嫲，姑姐姑丈
連洗緊碗嘅Lulu都話要一齊去喎!
全車人一齊去入油先
軼賢最開心，去程好似開籠雀咁!
咀巴唱不停,
可能剛才太興奮喇!
回程時已謝謝地仲要變身奶咀B，
柴娃娃咁又玩咗個幾鐘
咁又過了一個游閒嘅父親節。
某日一家人出咗新城市廣場鳳城飲茶
飲完茶商場有Mazda車展
成家八掛埋去睇吓
睇睇吓
伯伯同be爸問軼賢鍾唔鍾意哩部新車呀?
軼賢更係say yes 喇!醒目!
點知睇睇吓有人已經埋咗去同sales講買車細節喇!
您兩兄弟 唔係化，咁就買咗!
其實伯伯提意我地換部七人車 都講咗一段時間嫁喇!
只係我地唔想花咁多錢遮
但今次有大股東全力贊助又唔同講法 喎!
wah ha ha! 多謝伯伯
軼賢都好有興趣喎
仲坐埋私機位
幫手試埋一份，
不過攪攪震，但有幫襯
我地揀咗哩架 深灰色
如有興趣 Mazda 8 Detail
http://www.uocar.com/view.php?tid=3020
雖然架舊車用咗十幾年
但仲keep得好好嫁!
宜家要講同佢講拜拜!
都有d唔捨得吖!
不過新車又真係幾吸引嘅
出blog之日新車已經攞到手喇!
yeah!
19/6/2010(星期六)
今日be爸雖然放假
一早起身陪軼賢媽出中環
去翠華食咗個豐富早餐
食完早餐軼賢媽就返工
食咗豐富早餐飽到連午餐都無食
就去咗Physical 玩 動感單車
第一次上Phoebe堂
無期望，亦諗住唔好玩
點知原來好正喎!
雖然成個course都幾吃力吓，
但係勝在d歌夠勁，又好聽
連喺我隔離嘅 “老外” 都踏得好happy呀!
仲唱晒歌，叫晒口號打氣
氣氛好好呢!
所以45mins過程都好快過
出咗一身汗
拉埋筋，全身輕晒!
Good! Good! Good!
行咗一陣街Shopping完就返屋企搵軼賢喇!
每個星期六下午放工後嗰幾粒鐘
就係軼賢媽嘅黃金私人時間
所以會好好珍惜同利用喔!
近排軼賢鍾意聽be爸&mami講故事
聽得多都鍾意講埋一份
有一日
mami：軼賢可唔可以講故事給mami聽
軼賢：好吖!
故事開始~
軼賢：哩個呢。。。有bear bear喇!
軼賢：哩個呢。。。有Kitty喇!
軼賢：哩個呢。。。有花花呢
軼賢：哩個呢。。。
講完 !!!
hahhaha!
大家係咪覺得軼賢講嘅故事好攬笑呢!
雖然講d故事好短，每頁可能只得一句 但都會講到每頁圖片嘅重點出來
(其實 - mami第一次聽佢講果時，都覺得好好笑嫁，
但係只限在心內笑，怕佢知我笑佢以後唔再講比我聽喔~)
起初叫佢嘗試講故事比mami聽時
佢都表現不安，仲答mami，我唔識講吖!
慢慢地，每日同佢講完故事後。。。
不斷鼓勵佢
再同佢講：輪到軼賢講故事比mami聽喇!
由佢唔識講 、唔肯講......到肯嘗試。。。
哩樣已經係好大進步!
原來鼓勵同讚美真係可以令小朋友更有自信去做每件事
小朋友每天都在嘗試、學習 及 進步
軼賢您要努力呀!
晚飯同婆婆一齊食端午節飯
同軼賢下午已經先到達婆婆屋企坐吓
等軼賢同思齊表姐玩一陣先去食飯
一睇就知兩個都未warm up
思齊剛剛去完長灘島
所以晒到一身古銅色
一話同兩位影相 立即 古靈精怪
同表姐玩照顧BB,
一人一隻熊貓仔
思齊好細心咁“暗”d公仔瞓覺
仲逐個公仔錫一啖，
軼賢都有份 (不過似乎有人唔多接受咁喎!)哈哈!!!
婆婆襯佢兩個玩得咁開心，
埋去同佢地影返d相先!
mami都有份
跟住就出去食飯喇!
不過今晚唔齊人
婆婆有d唔開心吖!
舅父話要同兩位大少姐影相
大姨媽又影
食完飯思齊好依依不捨咁同軼賢分手
因為思齊仲想跟埋軼賢上車以為繼續去玩。。。
婆婆應承思齊得閒帶佢嚟沙田搵表妹再玩過。
