2010年9月29日星期三

花好月圓中秋夜 2010

23/9/2010(星期四)
中秋節當日
Kei細妹特登攞假
叫晒我地去佢屋企攪中秋BBQ當同婆婆食中秋節飯
仲有要多謝埋Sandy & Kerry幫手準備飲品食物
因為當日mami & be爸好遲收工
一返屋企接咗軼賢就立即出發喇!


所以我地一家係最遲到達,BBQ亦已經開始咗喇!


一到達SandyE已經煮定粉粉比小朋友食,唔該晒!


當晚軼賢玩得好開心


首先喺門口玩吹bubbles



軼賢第一次玩炎瑩光棒,感覺好新奇


跟住又係咁追住隻猫,


連猫都怕咗佢吖!


中秋節竟然唔係玩燈籠,玩吹波波

 


中秋節點少得食月餅呢!
 今年mami &軼賢都食咗好多月餅,


mami最喜愛嘅都係Peninsula’s奶皇月餅


軼賢當然最愛係雪糕月餅喇!


當晚玩到成十二點先返屋企


好高興好熱鬧的中秋夜。
 
 
 

2010年9月28日星期二

InRed 10月號隨書附送DAISY MARC JACOBS黑色&紅色花花拉鍊袋

 
近排愛上買日本主雜誌
InRed 10月號

 
 
因為有好靚嘅袋送
 
 

 
 
 
隨書附送DAISY MARC JACOBS黑色&紅色花花拉鍊袋







I like it!




 
 

 
忍唔住又買咗
 


 
今期內容都幾正!
 

 
大家有興趣去各大報灘或7Eleven碰碰運氣!

2010年9月25日星期六

安息吧!

 23/9/2010(星期四)
昨天喺醫院等候探望二舅公期間,
見到一位小妹妹,4-5歲左右,樣子精靈可愛
有位護士ee拖住佢四行
佢天真無邪咁問護士ee~
點解我地成班人仲唔返屋企嘅?
(可能佢覺得咁奇怪,佢想返屋企都唔返得,而我地又咁夜都唔走嘅!)
之後我地又問返佢~
咁您又點解咁夜仲唔瞓四維行嘅?
護士ee代小妹妹答,佢喺醫院已經住咗幾年喇!
每晚都帶佢四維行,去吓7Eleven
但細望之下,原來佢係燒傷嫁
頭、頸及耳朵都好傷得嚴重吓
其中有隻手掌燒到冇咗添~
不單止咁
個頭仲要有個好大好大嘅腫瘤,
軼賢媽望住位小妹妹,d眼淚已經不自覺咁流~
個心又嗱住嗱住,好痛
想到外人見到都咁心酸
小妹妹嘅父母一定比我痛心幾百倍~
係突覺得幸福唔係必然。
 
 *****
正當be爸同軼賢媽回家後不久
又收到電話,話二舅情況轉差!
二舅公就因為今次意外昏迷咗11
23/9晚離開咗我地喇!
不愉快的晚上






 
二舅公安息吧!
 

2010年9月23日星期四

二舅公唔該您快d醒喇!

19/9/2010(星期日)
中秋節飯嫲嫲本應係屋係做節
但係近排因為發生咗d
就係好錫軼賢嘅二舅公因為工業意外入咗醫院呀!
入院昏迷至今都未醒~ 令嫲嫲同大家都好擔心吖!
日日走去醫院希望舅公有新進展~
嫲嫲喺咁嘅心情下邊有心機煮飯吖!
原本諗住星期日做節,都係喺樓下飯堂食就算喇!
講起樓下飯堂已經連續食咗8餐晚飯。
大家都話要停一停喇!

希望二舅公吉人天相,快d醒返,
d起身同軼賢玩就好喇!


2010年9月22日星期三

2010年9月17日星期五

爺爺生日快樂!

17/9/2010(星期五)
今日係軼賢爺爺生日
祝您 生日快樂! 身壯力健!
橫財就手!日日開心!
 

 
星期日一班親戚朋友預早同爺爺食飯慶祝
 
話比軼賢知爺爺生日

 
識得去同爺爺飲杯添!

 
冧到爺爺好開心!

 
當晚軼賢有JuJu表哥陪玩

 
今次兩個好有交流

 
唔駛warm up都玩到傻晒!

 
不停跳!不停跳!

 
仲玩埋唱K!

 
您兩個唱咩吖! 雙思風雨中~

 
表妹仔您唔駛眼望望喇!

明年今日您都可以玩埋一份喇! haha!

2010年9月14日星期二

CM小姐生日飯


9/9/2010(星期四)
 
上次澄媽同子澄出嚟同軼賢媽食生日飯
完全無難度
 
今次澄媽向難度挑戰帶晒兩位澄B出嚟同CM小姐慶祝
不過兩個真係難攪好多吖!


所以攪到澄媽無啖好食
因為暟澄係超級黏媽B嚟吖!

軼賢媽諗住幫澄媽抱暟澄出商場行吓喇!
等澄媽可以食埋set dinner
點知~暟澄喊到好大聲!D比人以為我拐帶吖!

子澄就依然乖乖坐定定自己食嘢! 叻叻!


唔單止自己食,仲要請埋媽媽食!真係乖女!


合照時間!
都係個waitress好嘢! 影第二張已經全部望鏡頭


CM小姐同澄媽合照,好似一人一個女咁!


VC小姐同子澄合照

軼賢媽叫子澄影,佢又好合作喎!


哩餐澄媽食得好充忙呀!
臨走時想幫澄媽&B影一張合照
結果一張暟澄唔望鏡頭


另一張就係子澄唔望鏡頭

同小朋友影相難度相當高呀!

再次祝CM小姐
生日快樂!身體健康!心想事成!
我同VC都覺得,下次都係安排星期六約會大家會舒服D~
期待下次聚會!
 

2010年9月12日星期日

軼賢2y7m



12/9/2010(星期日)
軼賢小主2y7m
體重27 lbs
高咗又輕咗


刷牙情況:每日一次,
d牙漬依然好犀利
點刷都去唔到d漬


戒片片情況:大有進步!
平時係屋企已經可以全日唔著片
依家嫲嫲已經train到佢出街都唔著片喇!
開始時成日提佢去VV
提得多佢成日話無
咁我地叫佢有VV就要出聲,
暫時都未失手,
識講比我地知雖要去toilet~  
 

 

飲食情況
3餐奶每次200ml
午餐晚食大人飯
自從發燒後哩兩星期都唔係好想食嘢
唔知係無胃 定係無耐性食?
到大人開飯再埋檯都只係“攪攪震”食兩條菜
所以體重仲輕咗囉!
早餐,成日叫爺爺嫲嫲去麥噹噹
因為近排又有公仔換
  


鐘意的食物
所有菜菜、煎豬扒、叉燒 & 燒肉
 


唔鐘意的食物
依然堅決唔肯食蛋,點煮都唔食
依家連生果都唔好,唉!
 


喜愛的零食
雪糕,提子干,山渣餅,芝士乳酪
 


瞓覺情況
依家唔肯瞓兩轉喇
只睡 早或午一次
每次個零鐘
夜晚越來越夜覺,
11:30pm-9:00am
夜晚開始唔比咀咀軼賢,
mami口號 : 有毛巾無咀咀
佢又肯喎! 不過都係是情況而定
無咀咀嗰晚,要好長時間先瞓得著~~
試過有一晚碌咗兩粒鐘先入睡,
希望慢慢有進步,係軼賢自己唔要咀咀喇~
但係日頭lulu&嫲嫲佩合唔到,好難會戒得成~
 



興趣方面 
好鍾意跳舞、唱歌、睇書同 聽故事



講野情況
有問有答,開始可以傾大人傾計!
但都係睇心情
以前喺街嫲嫲叫軼賢要叫人,逢人都叫,
依家就熟人都唔肯叫人
 
開始會發問問題?
近排軼賢問得最多嘅係!
一陣去邊道吖?
今日您唔駛返工吖?



/學習方面
依然鍾意臨瞓前睇書
同要mami講故事
又要扮大人,乜都話自己
到係軼賢自己可以handle嘅要佢自己做
就話要mami整吖!

例如:以前換睡衣,自己識換,宜家唔肯做,話mami換喇!
Mami唔彩採佢,我話您唔換就唔講故事比佢聽,
就話都無咁快,立即換咗,
乜都要好似等價交易咁! 好麻煩!
總之對住佢要打醒十二分精神!

否則比佢控制返轉頭
因為嫲嫲&lulu就攪佢唔掂喇!
所以乜都係軼賢話晒事!
哩樣最唔鍾意!


2y7m個月大
成長報告完畢!
多謝收睇!