終於無發燒喇@筋疲力盡

 

29/11/2010(星期一)

 

軼賢發燒咗一個星期多，

全家人都筋疲力盡~

 

諗返應該都係去完呢間學校interview後“中蕉”嘅!

但呢一間係mami都be爸喺沙田嘅心儀學校嚟嫁!

希望今次嘅付出有回報喇!

 

講返軼賢情況，

經朋友介紹，

星期六請咗假同軼賢去咗養和醫院睇兒科專科

本應都無位嫁，因為所有應診都要預約的

但講咗軼賢情況比姑娘知，叫佢地通融吓

所以先有得walk in去排隊。

 

等咗兩個鐘先有得見醫生

入到去詳細咁講咗軼賢呢個星期嘅情況比醫生知~

醫生一見到軼賢就叫佢張開大口，

二話不說就叫姑娘攞棉花棒出嚟

話要示範同軼賢清潔口腔

因為軼賢成個口腔都發晒炎，又飛滋又牙肉積血

一定要用棉花棒將牙肉的積血按晒出嚟!

 

聽落去好似好簡單

即場要mami, be爸&姑娘，三個大人捉住軼賢洗口

可憐嘅軼賢又痛又驚~

但係醫生只係示範按咗幾吓，

軼賢d牙血不停咁流。。。痛到佢震晒~~

見到軼賢成口係血，

又咬住支棉花棒唔比我地洗添~

mami同be爸個心仲痛吖!

 

但係如果知道只係呢個問題引致發燒，

而唔係有其它病毒，

mami已經安心好多喇!

 

不過嚟緊呢幾日軼賢都受多幾日“皮肉之苦”

軼賢每次一見我地攞盒棉花棒出嚟就已經大叫大喊，唔好吖!

之後幾晚都因為咁而發惡夢，大喊!

軼賢mami覺得您好叻叻吖!

知您又痛又驚，

但都好合作肯張開口比我地洗。

其實mami一講起都想喊嫁

真係好肉痛吖!

 

 

但係軼賢已經有好進展，

牙血一次比一次少~

應該好快會好返嫁喇!

希望大家都身體健康!

無病無痛!

 

 

• 女,
• 生活記敍,
• 軼賢發燒

• 回應 (1)
• 引用 (0)
• 永久連結

訂閱回應RSS摘要

• 傑思SEASA
  • 傑思SEASA
  • 2010年12月4日上午10:38

  睇見你寫的野，我都心痛@@更何況你係佢亞媽呀～～～
  唉～～苗太，大家真係要互相扶持，繼續努力一齊做個好媽媽^^

  回覆
  • Emily
    • Emily
    • 2010年12月9日下午6:10

    唔好意思咁遲回覆, 喺果幾日真係好心痛嫁, 您做緊阿媽應該好明白,唔駛我多講, 係吖一齊努力喇!

病。病。病。

 

21/11/2010(星期日)

星期日朝早軼賢第一次飲麥精，

好滿足

飲住麥精睇住Disney channel
開心得佢吖~

之後去咗樓下飲茶
下午一返到屋企~
軼賢就開始發燒喇!

第一時間比咗屋企看門口嘅退燒藥佢食喇!
但係食咗退燒藥軼賢都係退唔到燒~

keep住有39度(102度)
仲越發越高添
到咗半夜4點幾，仲高到40度(104度)

嚇到急急腳去搵24小時夜診喇!
搵到一間係大圍，立即飛taxi去
去到都係無suggest去醫院
原途都有一路喥住溫度，好在已經無咁高燒喇!

醫生話小朋友發燒唔係問題
最緊要唔好呆滯同抽筋，
軼賢好在都算精神~

但係唔知why都係退唔到燒

後來22/11早上嫲嫲再帶軼賢睇返自己嘅家庭醫生
醫生話今次一定要食抗生素喇!

比退燒藥之餘要再加埋高燒藥水, 止咳....
所以攪出7支咁colorful嘅藥水要軼賢食

不嬲軼賢食藥都叫合作
但係斷斷續續已經食咗兩個星期藥嘅軼賢已經唔係好肯食喇!

病病當然無胃口喇，乜都唔肯食，連飲奶都好慢吖!
真係好擔心呀!

23/11(二)零晨5點幾又是發高燒喇!
仲燒到41度(即係105.5)
嚇到mami手都震埋，
立即叫be爸開車去仁安醫院
去到好在唔多人，立即有得見醫生
醫生見佢咁高燒, 話軼賢應該要留院，
但係唔好意思，因為醫院無晒床位喇!

無得留醫，唯有自己小心d喇~

醫生話如果再發高燒先再call嚟醫院睇吓有無位留醫喇!

真係10萬個擔心~

軼賢您快d好返喇!

 

• 女,
• 生活記敍,
• 發燒,
• 軼賢

• 回應 (1)
• 引用 (0)
• 永久連結

訂閱回應RSS摘要

• 傑思SEASA
  • 傑思SEASA
  • 2010年11月30日下午2:21

  其實我好想問: 既然醫生話軼賢的情況要入院但仁安無位, 點解你唔帶軼賢去另一間醫院?
  軼賢依家好返d未呀?  肯食返野未? 燒完之後, 軼賢又高幾吋啦^^

  回覆
  • Emily
    • Emily
    • 2010年11月30日下午2:39

    Good point! 係仁安嗰一刻，醫生比咗藥佢塞 pat pat 又見佢已經無咁高燒咪返屋企囉，後來我先諗起 why 唔去浸會呢 ? 不過好在軼賢係呢兩日終於都無發燒喇 ! 係吖 ! 高咗又瘦咗囉 !

超級星期六(下)

 

13/11/2010超級星期六(下)

上回講到軼賢返屋企瞓醒覺又要趕住出街食晚飯

又到

第六站-映月樓晚飯

出發前軼賢換定衫等出發

諗住be爸揸車，點知be爸食咗傷風藥唔感揸車喎!

比軼賢聽到問就係咪搭小巴吖?

 

大家睇吓軼賢坐小巴都咁開心，

 

雖然濛濛地, 但mami好鍾意哩張

因為係由心到笑出嚟吖!

 

不停話開車囉~

 

依家成日“冷醒”乜都要自己

我自己坐、我自己扶，

我自己乜、自己乜。

之後仲去搭火車

 

火車又係其中一樣軼賢好鍾意嘅交通公具~

不過今日架火車真係好多人吖!

 

唔好話坐吖!企都無位企咁濟~

不過軼賢就好happy喇!

因為鍾意搭火車又有成家人圍住佢搭~

 

不過講返映月樓就真係令我地大失所望喇!

貴就不在話下喇!

 

仲要好難食，

成晚無一味菜式係掂嘅

越食越無心機

 

所以連食物相片都無影

 

總之大家都話無下次!

 

第七站-幻彩詠香江

係映月樓食完晚飯伯伯、be爸&姑姐去聽concert

爺爺嫲嫲諗住同軼賢睇下幻彩詠香江嘅激光

一路行一路軼賢已經話想返屋企

可能佢覺得太多人

加上仲要好多大陸人

所以軼賢仲驚~

等到匯演開始都未睇完軼賢又話要返屋企喇!

您咁心歸，唔走都唔得喇!

可能今日真係太倦喇!

不過真係好過咗好充實嘅一天呀!

超級星期六(上)

 

13/11/2010 超級星期六(上)

 

今天我同be爸都攞咗sat off

因為今日行程緊湊

今朝十點出門口，

 

第一站-食早餐
諗住去第一城嘆返個早餐先同軼賢去學校喇!
點知!第一城近排唔知攪咩攪到d食肆亂晒龍，間間幾乎大執位
想食個早餐遮，間間都要排長龍
四維行搵咗半個鐘先有位食早餐
入得去都幾乎無早餐叫喇!
本應諗住嘆早餐，變咗倒份早餐落肚~
倒完份早餐落肚，
 

第二站-交留位費
想截taxi幫軼賢去學校交留位費喇!
結果又係四圍都無taxi，
諗住行遠d去的士站搭喇!
衰都連的士站都無車仲要排長龍~
乜個經濟真係好得咁交關咩~
幾經辛苦先截到車12:00前去學校交留位費。

第三站-interview
之後又要趕12:10pm去另一間學校interview
好彩都比我地趕到，仲要時間啱啱好添!
去到呢間學校interview軼賢就最熟地頭喇!

因為哩間係軼賢讀緊playgroup嗰間學校嚟嘅!
一入門口已經比playgroup老師認到軼賢喇!
而be爸就係第一次嚟哩間學校~

interview 前又係playroom 玩吓先
咁啱軼賢玩緊嘅積目就係老師叫軼賢砌嗰d喎!

玩咗一陣好快就輪到我地in喇!

軼賢in埋哩間學校已經in咗第三間喇!

佢開始唔驚，仲當玩咁~
不過嚟緊嗰3間先係戲玉，
到時佢無喱正經，mami就暈喇!



第四站-遊樂場
in 完學校外面有好多個遊樂場,
軼賢又點會錯過玩嘅機會吖!

雖然佢已經好眼瞓~

不過有邊個唔係玩咗先算呢~

兩父女跑來跑去，

擒上擒落

爸爸由頭到尾做咗“跟得爸爸”

玩咗一輪兩位都開始“謝謝地”喇!

Mami就只係坐埋一面同佢地影吓相算喇!
幾難先捉到阿囡同mami影返張相吖!(有人幾唔滿意~)

第五站 – 食午餐
之後去咗就近商場食埋午餐

跟住就返屋企要軼賢瞓覺喇!

因為今晚仲要出街食飯吖!

 

待續!