上星期六終於整咗新床比軼賢家姐喇!
原本諗住等mami入院生BB先安床
後來諗諗吓唔想咁遲先比軼賢過隔離房瞓
所以早少少ready先~
當然mami同軼賢都無係現場喇!
當日話比軼賢知會同佢整新床仔
將近安好軼賢張床嘅時候
叫佢過去睇吓自己間房整成點吖!
睇吓靚唔靚~
但係軼賢好似好抗拒咁~
叫咗好耐先肯過去睇
其實mami覺得軼賢~ 又開心 ~又抗拒
開心係因為大個女有自己房~
抗拒係因為唔可以再同mami be爸同一間房~
所以依家都唔可以迫軼賢一定要係房瞓住~
星期日mami be爸特登帶埋軼賢去一田自己去揀床單
軼賢原本想揀Mickey & Minnie’s床單
後來見到鬆弛熊咁靚就要咗鬆弛熊喇!
雖然軼賢有點抗拒
但係每晚返到屋企又會第一時間入房玩~
擒上擒落,不知幾happy吖!
但一叫軼賢飲完奶換睡衣正式要瞓覺時
就會扭扭另另,又出廳又入mami房
攪到零晨十二點幾都未肯瞓~
加上be爸又心軟,唔想迫佢
所以到依家都係成功咁試過一晚係電腦房瞓咋~
希望軼係細B出世先可以成功轉房喇!
12/5/2011(星期四)
軼賢小主3y3m大喇!
兩個月無寫成長報告
簡單會報吓先!
體重:32磅
高度 :3尺2吋
發完燒又高咗~
瞓覺情況
近排自從咳咳之後
依家好多半夜四五點醒咗唔瞓等天光!
令到成家無覺好瞓~
唔係咁細個就失眠吖?
飲食情況
早 、 晚 (2餐奶每次200ml)
自從無日本奶粉訂貨後
比軼賢知道,問mami係咪無奶奶飲吖~
軼賢同mami講 : 無奶奶飲會瞓唔著嫁~
咁mami買咗一隻新奶粉比軼賢試
佢超唔like,因為好甜
話唔鍾意飲喎
mami同佢講,您唔鍾意咁我唔買喇!
咁您不如戒咗奶奶喇!
之後又咪慢慢飲吓飲吓成支飲晒~
午餐 / 晚餐
同大人食就會自己食
自己開飯先,就要人餵
性格方面
比軼賢知咗同佢去邊喥嘅話~
一定會問到出發為止
如果唔肯定去嘅地方,千祈唔好比佢知吖!
呢個性格對於小朋友嚟講係好事
Mami亦希望比軼賢知道~
應承嘅事都要辦到~
講野方面
而家講嘢好老積
亦都好識關心人
軼賢知道mami陀住BB唔舒服
會問mami係咪BB踢您吖!
跟住會叫BB乖,
又或都會張自玩緊嘅玩具攞埋mami個肚邊
比d音樂細B聽,話要同bb一齊玩喎~
好似好懂事咁~
希望細B出世,
軼賢正式做家姐仔時都係一樣咁錫BB喇!
期待中~
15/5/2011(星期日)
今年母親節都無乜特別慶祝,
因為軼賢之前病病無返playgroup,
所以今年連軼賢親自整母親節禮物都無吖~
做咗人阿媽先知,總之做好本份,
仔女開心聽教聽話就係最好嘅禮物~
母親節當日伯伯唔係香港,
所以廷遲咗一個星期先同嫲嫲慶祝
揀咗沙田凱悅酒店食buffet
已經想試呢間好耐~
未去食之前仲同軼賢講,可以有朱古力噴泉玩吖!
去到原來係無呢樣野嫁~
軼賢當然好失望喇~
好在同佢講比佢食返朱古力蛋糕補返數~
又比佢食近排至愛嘅壽司同order 咗Orange Juice比佢飲
所以食食吓都忘記了 朱古力噴泉喇!
反而嫲嫲就覺得buffet唔啱佢食~
不過成家人見到軼賢食得開心就已經好滿意喇!
食飽飽同軼賢去咗playground玩
之後又要再拖伯伯出去玩
叫軼賢同嫲嫲爺爺影吓相先
祝嫲嫲日日都係母親節~咁快樂!
沙田凱悅酒店呢間Buffet嘅食物雖然選擇不多
但係食嘅時間就好長喇!
可以慢慢由6:00pm食到10:00pm
好唔好食,真係見仁見智喇!
母親節當日
接咗婆婆同齊齊表姐過嚟飲茶
原本婆婆比舅父約咗嫁
不過好在舅父肯入嚟沙田一齊飲茶遮~
每次軼賢見到齊齊表姐都好開心嫁~
更係喇!
表姐好照顧軼賢嫁,仲抱埋佢添~ 哈哈~
舅父又將兩個一齊抱起
軼賢同齊齊,又驚又喜~
之後齊齊表姐上咗軼賢屋企玩
當張sofa攪到好似搭船咁~
有人陪真係咩都玩一餐
之後齊齊攞咗公仔出嚟玩湊BB,
軼賢又跟一齊學習湊BB~
兩個玩咗成個下晏
Be爸要車返婆婆返屋企喇!
軼賢好唔開心吖!
Mami唯有應認軼賢一有時間再約表姐喇!
五一假期,
軼賢仲係有咳咳
所以都係無去街街,
全家變晒國寶, 屋企有好多隻熊貓吖!
大家有無興趣嚟睇吓~
因為一家大細都好耐無好好咁瞓過~
5月2日都係holiday!
近近地去吓new town shatin行吓
今日好好天,陽光浦照
軼賢天氣好,心情好
叫mami幫佢同呢隻giraffe影相~
mami又影埋一份
be爸都有份
之後mami諗住食三文治當lunch
但係軼賢唔肯去super sandwich
係都要入去食壽司
自從上次坐過食壽司bar就愛上咗。
跟住同咗軼賢行IKEA,
但係有人因為唔守秩序,又唔聽話,
仲要發皮四,不停喊,
所以比be爸罰,
要立即離場,返屋企,
軼賢第一次比我地咁樣罰離場,
佢好清楚今次被罰係咩一回事,
返到屋企依然唔份氣,
只有喊~
希望軼賢經過今次教訓之後
再有咁嘅情況會識聽話喇!
唔知bb出世後會唔會爭野玩呢^^