28/11/2012
好耐無講軼賢喇!
之前講到Sheldon的情緒
其實軼賢家姐的情緒都好大起伏~
因為自從有細佬陪
軼賢基本上係開心咗，因為有人陪玩~
但係又會因為自己做咗3年“小霸皇”關係。
現在有人同自己“增寵”，有d比受冷落咁~
係咪有點予盾呢~
近排又開始會扮返BB要爸爸mami抱抱
爸爸話依家盡可能軼賢要求抱抱時都唔會拒絕佢
因為知道抱多一兩年軼賢已大個女時，
自然唔會比爸爸抱的
所以會好好珍惜呢段時刻。
就算幾辛苦都會“撐住” ~
抱得幾耐得幾耐~哈!
仲有軼賢現時講說話係比細佬叻好多，
但識講又唔代表識表達喎~
點解因為有一次軼賢有關校內事情老師無比通告
只係同學生返屋企同家長表達，
之後軼賢回家後同嫲嫲講
結果完都表達唔到佢嘅目的。
事原係，學校生日會從今個學期開次會用環保袋比佢地放禮物取回家中
之後雖每次開生日會時帶回學校，
生日會翌日回校
原來老師要求學生雖把環保袋先交回學校
留代下次生日會時再用。
之後軼賢回家後不斷要求嫲嫲取回環保袋
但嫲嫲以為軼賢拿環保袋來玩
怕軼賢會弄失，所以將它收藏起來。
點都唔比返佢~
但軼賢說了很多次要求取回
嫲嫲都不理會她~
直至上星期軼賢好忟憎咁同mami說起
要求代她向嫲嫲取回環保袋
mami問，您拿來有甚麼用呢?
她才答覆說，老師要把環保袋取回收集好後
留待下次生日會再用。
軼賢因為怕自己是最遲交回的學生
會因此導致下次生日會時，沒有禮物包收
所以好緊張想快快交回老師~
終於在引導下軼賢能夠表達到自己都意思出來了。
Mami同軼賢都好高興吖!
雖然係好小事
但原來明白到女兒的心情
那份滿足感真係幾開心吖~
一句簡單的說話，可令孩子感到被明白及重視。
好多時都要比好多條問題引導小孩去表達~
有時真係揀唔到啱嘅題目佢都會好忟憎
但如果講到佢心意，
佢就會笑晒好開心咁講 “係吖”
其實小孩子就係咁簡單。
開心就笑
唔開心就喊
幾好吖!
所以幾時都係小時候最開心快活的。
爸爸mami會盡力令您地有個快樂的童年。
- 傑思SEASA
我實收到通知喎回覆 - 傑思SEASA 我唔係覺得個女講大話, 只係驚佢表達的時間錯左, 尤其K1時老師已唔寫回條叫佢通知我拎杯, 帶牙膏等，我驚自己誤會佢的意思，所以再問老師一次；又試過佢唔瞓午覺，同我講老師要佢去返N班讀書，佢好驚；問老師原來係..回覆
- 傑思SEASA 我都成日誤會子澄意思, 次次都返學校搵翻釋~~有時明明佢講啱我又唔多信:P (你勤D UPLOAD 個BLOG LA~~~)回覆
- 博師奶Mrs.blog
「開心就笑，唔開心就喊，幾好吖!所以幾時都係小時候最開心快活的。」haha~~好認同呀！
孩子感受到被明白，心裡會平安又開心得多，會樂意去繼續表達！加油呀軼賢！
回覆 - 言語治療師加英文教師Carley
小朋友的組織能力未係好好所以未能表達出來呢，家長要多些問問題引導，如果佢鍾意畫畫的話可以叫佢畫出來啊回覆
