22/10/2011
星期六mami放假
同咗軼賢去等爸爸放工
先同軼賢行咗一陣PP
跟住去咗搵位等同爸爸食晏
依家只可以喺Sat同軼賢出街
因為細佬b仲細，所以都唔帶佢出咁多街住
等佢識行識走先兩姊弟一齊去街街喇!
依家可能少咗去街
所以軼賢每次都笑得好開心嫁~
睇吓爸爸個樣幾冧~
大家唔好悟會，唔係望住mami
呢張相就係軼賢同佢影嫁~
先經過香港公園
跟住行餐飽終於到達動植物公園
行兩行軼賢已經變咗水人了!
好在mami有帶衫比佢換
動植物公園最多係馬騮、黑猩猩，長臂猿
不過呢度都有兩隻~haha!
已經有好多好多年無嚟呢個公園喇!
呢個公園令mami想起好多童年回憶
尤其係呢個銅像就最深刻~
因為小時候mami嘅爺爺成日帶我嚟呢個公園嫁
一轉眼，輪到帶自己個囡嚟~
好懷念之餘感覺亦好特別~
唔少得要去兒童遊樂場喇!
今日兩個都好乖~低讚!
仲有一定要到呢個咁靚嘅噴水池境點
原來呢個公園已經有佰幾年歷史咁耐喇!
以前叫 [兵頭花園]
之後軼賢開始謝~要回程
見到佢兩個笑得咁盡情
開心期實好簡單!
題外話
參觀期間軼賢不停問呢d咩嚟
果d咩嚟, 樣樣都好有興趣
比一條問題大家估吓
問軼賢動植物公園有d咩吖?
佢第一樣就答，動物園有 [同學]?????
大家知唔知咩嚟呢?
答案係.....
唔知?有無人估中呢~wahkaka!
20/10/11
今朝遇到一件好奇怪嘅事!
一早見到一隻好靚嘅飛鵝在房嘅櫃上面
又係啡色d斑紋好靚嫁~
第一個直覺就係波波返嚟見我地吖!
之後下午就收到姨婆打嚟話會可以好似小白咁
將波波嘅灰散落教會的後花園處!
唔通波波知道姨婆會將佢入土為安
所以化蝶返嚟見吓我地?
不過都好安慰，
波波可以咁快去搵小白哥哥
回回歸大自然~
如果愛貓人士有興趣睇返小白波波可自click引用
15/10/11星期六
終於做咗一個好痛苦的決定,
波波真的離開我了!
淚水仍然不停~
畢竟一同生活了13個年頭~
走咗喇!真係好捨得
返到屋企，個貓籠空咗
波波常坐嘅地方
每一個角落都會令我諗起佢~
強忍淚水清理波波留下來的東西~
以往要經常關住房門，
因為房門一開~波波就會9秒9要走入房
依家~無咗她在家行來行去,
真係好唔慣~
軼賢都好掛住波波
仲問咗我好多問題????
真係唔識答~
軼賢:mami波波幾時返?
Mami:波波上咗天堂吖!
軼賢:您同佢去吖?咁搭咩車吖?
Mami : O咀
軼賢:波波係咪死咗吖!
Mami :您知咩叫做死咗咩?
軼賢:遮唔係喥囉!小白味死咗囉!
Mami : 無言!
永遠懷念您~波波
安息吧!
估唔到一upgrade後第一篇blog
就係唔開心嘅~
係乜嘢?
咪係我隻愛貓波波囉!
已經無食嘢好多日喇!
只係肯瞓喺個籠喥
又唔願行，
真係擔心C我喇!
再咁落去真係唔捱得幾耐喇!
因為波波已經輕咗一半有多喇!
我真係唔感想像之後會點~
摸波波個身軀已經得返d骨,
幾乎成身無晒肉喇!
不過自從波波3月入院，
獸醫已經叫我地要有心理準備~
所以我同samuel已經知會有呢一日
要走唔緊要，只希望波波唔好辛苦~
希望今次都有奇蹟出現喇!
17/9/2011(星期六)
表弟仔話咁快又滿月喇!
爺爺嫲嫲又升級~
做埋公公婆婆喇! 開心開心!
開席前影合照
滿月酒又點少得紅雞蛋&酸疆呢!好味道!
軼賢成晚滿場飛
幫手招呼小朋友嘅人客
一捉佢影相就唔happy
好在細佬b開席時肯覺覺豬，低錫!
多謝Yuki姐姐日本的禮物同手信
兩姊弟一人一份，多謝晒!
呢張相係軼賢影嫁~ 又影得幾好喎!
因為當晚表弟仔太多人捉住影相
只係影到大合照, 抱唔到表弟影相
再次祝表弟仔
快高長大，身體健康，
聽教聽話，人見人愛!
近排真係忙爆
個blog越來越唔update喇!
放工後要照顧對仔女,
軼賢返學後又成日發燒病病
攪到無覺好瞓，
就算有得瞓都瞓得唔好
心情好灰呀!
真係有好多嘢想做都唔得閒
所以越來越遲d blog
真係唔好意思,
仲寫緊9月份, 不過我都唔想
加上yahoo話要升級
又唔知會唔會將寫咗咁耐嘅心血會喺升級之後無晒~
一諗起，真係乜心機都無晒吖!
不過都顧唔到咁多喇!
唯有見步行步喇!
希望yahoo升級後都可以順利運作喇!
15/9/2011
有一晚軼賢食完飯
又過話要去伯伯屋企見表弟喎~
剛剛滿月嘅表弟仔
今次輪到兩個爸爸交換B抱嚟影相
再影多一張
其實軼賢係則邊嫁
姑丈同細佬b都兩個都好chok吓喎~ XD
玩咗一輪
細佬b要換片片
所以就借咗姑姐張床一用
換完片片見細佬b瞓得咁開心
就順便同佢影吓相喇!
三個傻豬好攪笑~
我地又加入埋一份
不經意的效果
影出嚟又幾好喎~
仲有少少影樓feel添
細佬b幾乎張張相都望鏡頭吖!
低錫~
yeah!
如果第日同sheldon去影樓
都咁合作就太好喇!
