放手, 忍手~

 

 

軼賢已經K3~

仲有唔夠一年就要升小一,

因為個個都話小一d功課唔講得小。

講到我有d擔心~

 

我覺得軼賢做嘢好似我,

鍾意做嘅可以做得好快~

唔鍾意果d, 就誓願咁, 叫極都唔郁~

 

其實奶奶已經好好,每日喺我同老公放工前,

已guard住軼賢做好晒所有功課~

我只雖要等軼賢拎手冊比我對功課就可以

 

之前晚晚要我提佢拎手冊比我簽~

有時仲要叫極都唔拎,

諗諗吓唔提佢,

由得佢簽又好唔簽又好~

因為試過佢真係唔記得拎比我簽,

我又專登唔提佢~

結果就忘了簽手冊~

但係咁樣仲好~

自此之後就上心好多~

呢個方法都幾有效,

可以講少好多~

 

上星期開始, 軼賢學校又開始要佢地借圖書喇

開學第一次借書的軼賢就已經唔記得還書喇

原來學校一樣要罰錢ge~

係1日1元 (貴過圖書館 0.5元)

有一晚奶奶同我講軼賢同佢拎咗1元

軼賢唔感同我講, 只係同嫲嫲拎咗1元,

嫲嫲問佢嚟咩事?

佢話遲咗還書喎~

 

都好吖~唔錯過點會成長吖~

反正呢d係小事,

比個教訓佢都好吖!

沙田中央公園(加字)

 

 

 

 

 

之前去完同學仔生日會

爸爸話比兩姊弟再去公園玩吓,

第一次嚟呢個遊樂場

地方又大設施又新

家姐同細佬玩得超開心

 

 

 

 

當日康文署又有活動舉辦

有節目表演,

仲有禮物派, 真係全免費娛樂~

 

 

 

去完遊樂場見d天氣好舒服又有涼風

一家人由城門河慢慢步行回家去~

Sheldon仲舒服都瞓埋覺添~

 

Sheldon K1面試第三回(好大反差)@聖母無玷聖心

 

 

2/11/2013(星期六)(pm)

上回講到IN合一堂mami心情勁down 

一回家立即祈禱,

希望天主和聖母媽媽帶領住sheldon要in好下午呢間~

快快去食完個brunch之後就回家準備另一間interview

基本上sheldon都未返到屋企已經喺車瞓著咗喇!

 

 

一直瞓到2:15pm起身, 時間啱啱好

in呢間真係不容有失

因為係軼賢家姐就讀的學校應該機會最大的~

 

當日學校安排得幾好,

我地in 3:15pm,

3:00pm到的即時入得,

3:15 & 3:30有一條隊排緊,

不過都好快,等咗唔夠10mins就入得~

入到去有一個等候室,

都未坐暖就叫我地起身帶小朋友去操場玩

到了操場mami碰到blog仔apple媽媽我地唔止同一時間同一間房in

真係有緣喇!

不過去到操場, 看似自由活動玩遊戲,

其實老師在旁觀察比緊分~

大約玩咗15mins後就排隊入課室in喇!

 

入到課室1位老師在2個小朋友中間問問題~

老師一入到去見到Sheldon就問

您叫咩名? 好在Sheldon肯答全名

原來老師攞錯表弟張申請表嚟見sheldon

 

老師話等一等, 出去找拎返Sheldon嘅 Form~

表弟呢間無嚟in

因為怕了合一堂事件再發生

(加上天主教唔係表弟最想入的學校)所以....

 

講返面試喇!

之後老師不停 整呢整路

等咗好耐都未開始,

其他家長已經同老師傾到笑哈哈

等等吓 Sheldon又開始唔耐煩喇!

仲同 mami講 ~~ poo poo !!!!!

咩話? 呢個時候要poo poo,

唔係化? (咁嚇我!!!)

不過我覺得咁嘅情況, 都係報假案居多~

所以我無理佢, 諗吓點先可以分散sheldon的注意力~

咁我就唯有出最後一著，比粒糖佢食~

食完糖之後, 乖到你唔信~

直頭好似食咗 “迷暈丹”咁

您叫佢做乜都得~

跟住有心情畫畫~

 

而老師就問同檯的另一位小朋友

妳叫咩名?

唔知佢唔想答~定唔識答?

之後叫兩位小朋友各自砌積木

砌完叫兩執返入個盤喥~

 

兩個都好合作, 仲雙手交返比老師

老師話您畫畫比我睇吖

Sheldon竟然, 右左手各揸1支顏色筆兩手一齊畫~

老師仲話, 嘩, 咁厲害吖您~ (係咪遮話佢粗魯呢)

跟住問埋佢手中的顏色筆係咩色~

sheldon都全部有答老師~

 

最後問mami 點解揀呢間學校?

我話因為家姐讀緊好好吖~

老師 : 係咩????

仲問咩名, 讀咩年級, (哝!喝吳吋呎咐即係原來無mark up嘅)~

怪唔知話試過有d家姐阿哥喺處讀緊都會唔收囉~ (又嚇一次)

老師繼續在黃表比分~

最後一條問題,

就係老師在小朋友晝紙上寫低佢地的申請編號

寫一個數目字讀一個

老師用原子筆寫第一個係1字

女孩唔知仲乜, 唔識答~

我心諗, C火喇!

 

輪到老師問sheldon,

老師一邊寫一邊要Sheldon將數字讀出,

最估唔到Sheldon竟然明, 仲答得好快

老師第四個數字係5字都未寫完~

就問佢係乜? (我心諗都未寫完就問?)

好在sheldon都讀到出嚟

呢樣老師讚佢~

仲立即派糖~ 仲係Sheldon好鍾意嘅 “珍寶珠”糖~

Sheldon立即講多謝~

咁先安心小小~

總括來講今次interview真係好神奇,

因為反差太大喇!

不過我都相信天主和聖母媽媽照顧住sheldon,

所以最後Sheldon都能乖乖完成面試。