小白唔經唔覺走咗3年幾喇!
但係我同be爸直到現在仍然好掛住小白
始終都養咗佢8年，
8年嘅感情，唉!
當佢走果一刻
真係喊足成個月呀?
之後重每逢諗起佢都會眼濕濕，
回想起3年前小白由發病到佢走
頭尾都攪咗成個月
醫藥費，車費，都在所不計
粗略估計最少用咗萬幾蚊呀!
諗返都肉痛呀!
仲有最傻就係比錢要小白打補針“釣命”
開頭諗住可以有得救嗎?
幾百蚊一支，要打足一星期
當時我同be爸每日一放工急急腳趕返屋企載小白出去打針
起初打完補針，小白真係有好轉嫁
精神仲好咗好多，
返到屋企仲四圍行添
後來打完一星期補針，
療情都完喇!
醫生話要做嘅都做晒，
要靠小白自己喇!
咁唯有觀察住小白嘅狀況喇!
果然一無打補針
隔咗都唔夠3日就。。。
情況就變差喇! 只不過未.....
嗚嗚嗚。。。
軼賢媽都無諗過自己會咁堅強，
可以睇住醫生用一支針送小白走嫁
不過雖然駛咗咁多錢
但都叫做還咗小白心願，
等小白可以有得返屋企。
唔駛孤伶伶喺診所走。
***
大家可能會覺得好奇怪
點解軼賢媽無拉拉講返小白d唔開心嘢!
一來寫blog都係想留下一點一滴，
開心唔開心都要記下來
還有，因為小白雖然離開咗我地3年多，
但自從處理咗小白之後都係將小白放喺屋企嘅櫃入面，
而我同be爸一直都想找一個好地方安置小白，
估唔到3年幾後，竟然可能達成到我同be爸心願，
小白可以“入土為安”喇!
所以喺哩度好想多謝軼賢姨婆咁有小白心
姨婆問咗教會有關人仕
準許將小白安置喺教會一個後花園處。
***
希望小白已經投胎
做人又好，做返貓又好，
媽咪& be爸永遠都係咁錫您同掛住您嫁。
