Sheldon 9-10月大, 成長報告

30/2/2012(星期五)

時間過得好快，

Sheldon巳經10個月大喇，

講吓成長報告先

體重:
21磅

相比6個月時都有20磅

因為細佬b呢排成日唔c服

睇咗好多次醫生d咳同鼻水都清唔到~

所以d磅數都無增加,

仲好似輕咗~

就嚟比表弟追過喇~

食嘢情況

一日3-4次奶，每次200 ml

3-4餐奶加兩餐粥仔

瞓覺情況

每朝早七點幾就起身

同mami爸爸玩一陣等到姐姐過嚟就開奶比Sheldon飲

之後同工人姐姐玩一陣，

九點幾又十點又再瞓過。

午睡就等家姐返咗學會瞓得耐d~ (瞓到2-3個鐘)

反而夜晚返到屋企同家姐要玩到成十一二點先肯瞓~

 

依家Sheldon每朝mami爸爸返工時會識同我地揮手bye bye，

有時會笑住bye，有時會喊住bye

之後就會想跟住我地出門口~

不過mami會同佢講

mami爸爸要賺錢買奶奶吖

以前嫲嫲都係咁樣話比軼賢知，

比佢地知道mami爸爸要賺錢買奶奶

咁樣佢地就唔會喊嫁喇!

因為兩姊弟真係太鍾意飲奶喇~

所以知道mami爸爸返工，

當出門口時都唔會扭計~

依家最鍾意就係企喺喥

一日到黑都要企

喺Sofa又企

喺自己bb床圍邊行來行去

幾眼瞓喺BB床都要企一輪玩一輪先肯瞓

有時企到腳軟跌低，望吓mami想喊~

唔理佢，就當無事發生~

又起身再企過~

 

最近Sheldon嘅頭髮長咗好多

佢嘅髮型好多人問佢係邊喥剪

真係好有型囉~

越來越覺得Sheldon係一個為食仔，

不但止飲奶快，食baby food仲快~

依家每晚一定要埋檯食飯

如果食緊奶，叫開飯，

就連奶都唔飲要一齊開飯

若然再唔比佢埋檯

就會大叫大喊

真係為食到飛起~~

Sheldon 9-10個月大嘅成長報告講住咁多先!

多謝收看!

 

 

 

                                                      

熱鬧的週末

17/3/2012(星期六)

Kei Kei E好少有星期六假放

今日放假帶埋齊齊表姐入嚟搵軼賢一齊去玩

我地首先去食個午餐~

 Kei e & 齊齊 - 開始似的兩母女

Mami & 軼賢 - 有點似的兩母女

之後一齊去咗snoopy land玩

原來齊齊係第一次嚟渣

軼賢就玩到熟喇!

大家一齊影吓相先喇!

 

當日好熱好曬~

兩個玩到要除衫

唔知點解軼賢已經嚟過咁多次

每次都一樣玩得咁開心嘅~

 

之後一齊返屋企休息一陣再出去食晚飯

飯後一大班人買糖水上嫲嫲住緊嘅酒店食~

 

細佬b第一次上嚟，四維望

齊齊表姐好鍾意細佬b，成日陪住佢玩

寬寬表弟人人都比抱，叻叻

四個小魔怪

軼賢要抱表弟~

真係好驚佢趺咗表弟落地吖~

軼賢最鍾意多d人陪佢玩

人多熱鬧佢就最開心

 

當晚玩到成11點先散brand~

 

咁就過咗過開心愉快星期六喇!

壽司小廚神~

10 Mar 2012(星期六)

今日約咗 Ms.VC及Ms.CM &兩姐弟去澄媽屋企

今次幾位小廚又整新野喇!

整咩? 就係壽司喇~

今次晚飯主題係日式火鍋 + 小廚神壽司

三位小廚神好用心咁做壽司

真係有板有眼，

您地真係要整多d先得喇!
因為係我地當晚嘅晚餐一部份嚟嫁~

努力!加油!努力!加油!

個個都好認真呢~

不過製做壽司過程中

三位小廚神唔知係試味定偷食呢?

多多紫菜都唔夠喎~

 

哈哈~

不過最緊要整得開心~

 

 

 

晚飯後三位大小姐又繼續玩

warm up咗咁耐，自動搵嘢玩~

二對一

軼賢仲瞓身接球添~

好難先影到佢地咁燦爛嘅笑容~

小朋友一聚埋

 

 

玩乜都開心呢~

之後各位小朋友齊齊扮老虎~

大家認為邊個最可愛呢?

 

呢位好嚴肅喎~

呢個Sheldon都有份~哈

開心愉快的一晚

多謝澄媽當日一早去買食物做好準備，

辛苦晒~

Mami當日到達現場先知有帶相機

無帶記憶卡~真失敗，

好在有CM的相片提供，

唔該晒~

題外話

呢兩張相係軼賢行緊去澄媽屋企時叫mami幫佢影嘅~

依家軼賢見到鍾意嘅事物都會要求mami幫佢影相~

其實唔知有乜特別

不過阿囡叫到，又幫佢影囉~

影完又要睇返

話我影唔到d魚喎?

吓?乜原來想影魚吖~

不過都有樣好

就係睇完呢兩張相，

有好多人話好似mami喎~

嘻嘻~