報讀K1

 

近排忙於同軼賢索取報名資料

又要趕住報學校，又開始要interview

mami都好忙吓!

 

所以都無同軼賢去街街

 

來來去去都係同佢去飲茶食飯。

 

好在軼賢唔會扭我地同佢去街街遮。

 

每次都要帶公仔出街

 

不過只限一隻

 

又黏住爸爸

要爸爸同佢玩~

 

近排鍾意玩跳高

 

挑戰自己

 

成功喇!

 

咁都玩得一餐。

 

陪嫁貓

 

26/10/2010(星期二)

不知不覺原來小白仔已離開了我們四年喇!

 

真係好掛住佢吖!

 

有一日軼賢攞咗d舊相出嚟睇!

當時2003影嘅相!

 

睇返家陣嘅波波真係老了許多

 

一早起來行行企企& 瞓覺

連跑跑跳跳都少咗，

有時連跳高都變得好倫盡吖!

 

但係無變嘅就係依然咁黏我

每一次我有時間靜下來坐在梳化，

又或者半夜三間去toilet都好

波波都唔會錯過任何一個機會，

 

有時又諗，點解我去邊佢會都知嫁呢!

我諗佢係由我一入屋開始就留意住我嘅一舉一動

一有機會就想我抱佢摸佢同可以親近吓我

 

 

偶然係書房上網，

就算唔抱佢都要我望住佢同摸吓佢

如果唔係佢就會企起身，

將成個mon遮住晒唔比我用電腦喇!

 

有一日Samuel同我講真係無諗住波波會咁長命嫁，

我話 無病無痛就幾大年紀都無問題，

最怕係有病要受痛苦遮!

 

畢竟係一隻已經12歲嘅貓貓，

有人又係3年前

我陀住軼賢果時問我會唔會將波波送走比人養

唔知點解，

我同Samuel大家都好有默契咁

同諗都無諗過

有BB唔要波波喎!

可能我同Samuel由波波第一買返嚟嘅時候，

已經有共識養寵物係一生一世嘅事!

 

絕對唔可以當寵物係玩具，

唔要就將佢送比人掉出街由它做流浪貓狗，

這樣的事，絕對是我辦不到的。

因為波波係我嘅“陪嫁貓”。hehe!

 

送上軼賢抱抱波波video

http://hk.video.yahoo.com/video/video.html?id=1945669

 

 

Chocolate Rain & Snoopy Land

9/10/2010(星期六)

知道新城市廣場有Chocolate Rain布偶公仔

 

行過兩次想埋去影相, 都好多人

 

所以特登早上去

 

點知又成十二點都未入得去~

 

無得入去影

 

唯有在外面都照殺返幾張喇!

 

影完門外嘅chocolate rain,

 

軼賢突然間又話想去snoopy Land

 

 

又行一轉同snoopy影吓相先!

咁又消磨咗一個上午!

別了，二舅公

 

12 Oct 2010

兩日無見軼賢喇!

昨天因為要出席二舅公喪禮

先安排軼賢係嫲嫲屋企瞓一晚

因為今朝一早要出發送二舅公上山，

由11/10朝早到12/10頭尾兩無見過軼賢

好掛住佢吖!

朝早問嫲嫲軼賢有無問起爸爸媽媽呀?

嫲嫲話無喎!真係有d失落添!

 

***

講返二舅公今次出事，嫲嫲真係好hurt呀!

因為上年年頭先走咗一個哥哥，

剩低唯一一個哥哥，喺今年又走埋，

一年一個，都咪話唔hurt呀!

所以嫲嫲好希虛咁話做人好化學吖!

出事先一晚二舅公仲開開心心咁出席爺爺生日晚飯，

估唔到，就係咁樣一趺不起~

 

聽be爸講開，二舅公喺佢地小時候好錫佢地嫁

身上有幾多錢都肯攞晒出嚟比佢地買零食嫁!

自從我地有咗軼賢後，

二舅公當然係一樣咁錫軼賢喇!

 

嫲嫲以前可能幾個月先見一次二舅公，

而家二舅公一唔駛開工的話，

一個星期起碼嚟兩次同嫲嫲飲茶，

就係為咗見軼賢!

所以近哩兩年嫲嫲反而見多咗二舅公吖!

 

不過死者而已，

唯有希望二舅婆折哀順變! 快樂地生活。

雖然二舅公已經離開了我們,

但感覺沒有離開，他的微笑、他的聲音，

永遠活在我們的心裡。

 

咁又一日~

軼賢依家成日會問住爸爸媽媽

今日駛唔駛返工吖?
如果比佢知道當日唔駛返工的話

一定會由朝跟到晚，影影不離唔比我地行開嫁
近排佢可以由朝到晚都唔駛瞓都得，

唔知係咪驚瞓著後我地會走咗去呢?
咁唯有叫軼賢過返mami屋企瞓又好玩又好喇!

好多時都係瞓得果一陣
成個下午流流長! 瞓醒做乜好呢?

最好更係去食返個下午茶喇!

軼賢今日見到mami紮起頭髮
出門口前又話要紮埋一份
第一次見軼賢紮頭髮，

好攪笑吖!

仲要拎住袋，

成個八妹仔咁!

去到餐廳又攪攪震唔食嘢

成日話去VV，
3次有2次虛報

又唔感唔同佢去，
真係比佢激C,

食完下午茶回家同軼賢洗埋白白，

跟住就等食晚飯，游游閒閒，
咁又一日喇!