澳門喜來登金沙城中心酒店 - 體驗夢工場 (PART 1)

今次軼賢約埋朋友仔Carman & Mickey, 一齊遊澳門,

29/7/2013(星期日)

今次去程, 經過在船上大風大浪又嘔完嘅軼賢,

終於安定下來了。

今之早咗到, 未有得check in

 

四維行吓食吓嘢先喇!

其實我地已經早一個星期前訂船飛喇!

都要坐8:30唔係就要12:00

所以提醒大家~

定到日期就要早少少訂船飛喇!

 

 

 

 銀河呢期係藍精靈,

但係軼賢無興建~

 

 

 

 

 

三位小朋友揀了呢個item嚟玩

想讚一讚佢地，

唔係讚佢地油得個錢箱靚唔靚~

而係想讚佢地的合作精神~

全無爭吵, 好合拍地完成作品~
****

夠鐘攞房喇!

今次我地住庭套房，《功夫熊貓》

 

第一次住呢類有上下格床的家庭房,

小朋友一入到房間，超興奮,

立即擒上擒落

爸爸都大唔透~

不過，佢話d床舖好正喎~

呢邊主人房~

跟住我地就落泳池游水,

一直擔心會落雨~

但游水時竟然出太陽喎~
大家即時開心晒~

***

 

游完水上房沖洗後,

就去食buffet喇!

近近地去酒店其中一間食buffet, 盛宴~

都幾多嘢食, 不過mami都係好甜品多d~

  

排了一碗龍蝦汁蝦球伊麵比軼賢食~

不過比爸爸發現,有即切牛排,

要邊件要幾厚, 任君選擇~

跟住更係即煎即食喇~

Macaron Tree~

好靚吖, 拎咗幾個~

 

 

呢餐真係好滿足~ 好飽好飽~

 

 

回房間後發現酒店安排了糖果、cookies小食,

好細心喎~

****

 

食到咁飽又有Carmen & Mickeyn陪軼賢~

Mami &爸爸可以出咗去拍吓拖四維行~

其實每次去澳門都係用住晒果間酒店設施,

 

都無出去其它酒店四維行~

今次都係第一次嚟威尼斯人呢處~

 

 

貢多拉船收工了~

 

下一篇繼續~

BBQ生日Party@西貢

 

 

20 July 2013

雖然先排成日落雨,

但係小朋友放暑假, 當然要繼續玩不停~

呢日去咗西貢玩,

 

 

 

 

去到現場, 表哥已經準備好吹氣泳池~

軼賢一到場就及不及待落水了

因為當日落雨, 水溫好凍呢~

Mami今次負責零食部~

買同食都係強項，

Sheldon玩完水, 坐定定等食

Sheldon知Mami 唔比食, 轉軚問姑姐~

 

Hello, jojo表妹~

小食後出外踏單車~

 

之後餵魚時間

D錦鋰魚好靚好大條吖~

 

 

 

大人玩呢d~

 

晚餐開始了

 

唔駛落手燒的BBQ, 真係爽~

 

軼賢和表哥食飽又轉戰室內

 

嫲嫲最開心就係可以和家人&親戚一起聚會~

 

 

 

 

晚餐後的甜品之(一) 新鮮水果杯~

Sheldon係水果皇，佢一個人食了兩杯~

甜品之(二)車厘子

Sheldon吃不停

 

甜品之(三)COVA生日蛋糕, yummy

蛋糕一出席, 細路最瘋狂~

大合照時間~

甜品之(四)食埋movenpick

 

完美句號~

 

好開心的生日Party~

屋企有蝨? 定係皮膚敏感???

July /2013

有一日放工, tt姐姐同我講, sheldon個身出咗d一粒粒

見佢好痕, 以為有嘢咬, 咪同佢揸止痕藥膏囉~

當時都唔知Sheldon咩事, ,

仲以為屋企有蝨, 定係Sheldon食錯嘢皮膚敏感???攪到爸爸做了一輪大清洗,

直到TT姐姐成身成面出晒一粒粒,

立即同姐姐去睇醫生喇~

醫生話唔係比嘢咬, 亦唔係皮膚敏感~係出“水痘” 喎~

立即帶埋sheldon去睇醫生, 先知Sheldon係出水痘~

藥膏藥水乜都唔駛用喇~

因為醫生話Sheldon已經好得七七八八喇!

只要和同其他小朋友隔離返 個幾星期就OK喇~

避免傳比其他人喎~

好在sheldon有打水痘預防針, 所以都唔係出得好勁,

無出到全身全面 ,塊面都只有一兩粒，

但係sheldon在出水痘期間, 都痕得幾辛苦,

sheldon, 爸爸&mami 大家都無覺好瞓~

Sheldon已經晚晚十一點幾先瞓,

仲要瞓得唔好, 成晚醒好多次 ~

日日零晨4、5點就痕到醒咗唔再瞓，

果幾日, 晚晚加加埋埋都唔知瞓唔瞓到2-3個鐘就起身返工~

超辛苦!!!

當時心諗真係想自己都出埋一份,

咁咪有得攞sick leave放埋假囉,

後來先知道, 原來隔離屋兩姊妹剛剛出完水痘,

原來Sheldon係咁樣傳染到嘅~

其實都預咗軼賢家姐會受到傳染~

喺有心理準備之下, 一次過辛苦埋好過喇!

加上依家軼賢放緊暑假,
一齊出埋水痘, 唔駛第日又要請假~

但係應該軼賢家姐無中到囉~

都唔係好明，隔離屋都傳到比Sheldon

軼賢日日咁攬住sheldon又唔中喎~ 奇怪奇怪~

不過無中都好嘅~

因為爸爸媽媽已經筋疲力盡喇!!!