星期六一早去左黃埔花園見子澄Ｂ，去到10:00鐘左右，子澄B仲未起身，好彩等左半個鐘佢就起左身，可能要飲奶，所以醒左，子澄B，竟然一起身就掛住玩，我撩佢玩，佢係咁 “依依Air Air” 好似同我講野咁，好得意!
兩個半月既子澄B囡
子澄B未飲奶，捉佢影相先
子澄B，未瞓醒
下午去左元氣食壽司，因為有BDS卡所以有85折，食完午餐，同Samuel行左一陣沙田新城市廣場，之後返屋企接左軼賢小主去愉景新城，因為約左婆婆&Sandy姨係愉城慨金滬庭食晚飯。食飯期間軼賢小主不停扭計，巳經飲左奶奶都重喊，結果要Daddy抱佢出去商場行一個圈，返黎就瞓左喇。
金滬庭D食物真係又貴又唔好食，6位大人食左七佰幾元，仲唔係好飽Tim。
金滬庭京川滬菜館
之後穎穎表姊同齊齊表姊要去歡樂天地玩，我地同軼賢小主一齊去歡樂天地，歡樂天地又多燈燈又多聲音，所以軼賢小主非常好奇咁周圍睇，好似大鄉里咁。返到屋企飲完奶奶巳經好快瞓著了。
軼賢小主比婆婆抱住同齊齊表姊影相
影完相就扭計啦!
沒有留言:
發佈留言