情人節的大年初一

14/2/2010(大年初一)
今日係大年初一又係情人節
軼賢媽自從做咗人阿媽後都唔係好記得情人節喇
be爸更加係知都扮唔知喇! 哈哈!
大年初一每年都會過奶奶屋企食早飯
之後就出發去拜年喇!
第一站，姑婆屋企

軼賢小主同表姑姐傾計，似模似樣

同表姐玩咗一陣又要去下一站喇!

去到舅婆屋企又係食食食 同 食食食

糖 年糕 蘿蔔糕 ,  軼賢小主少少 少少 都食咗唔少

年初一晚飯多數都會同舅婆一家&好多親戚一齊出外食晚飯
見時間尚早，叫be爸同軼賢去商場行吓影吓相先

差d唔記得多謝贊助商添
軼賢小主今日條裙又係有牌子嘅貴嘢!
嫲嫲多次叫伯伯唔好買咁貴
著幾次就唔啱著, 但係有人唔聽
唯有又講聲多謝伯伯喇!

有人一見到Mcdonald's標誌好happy咁走咗埋去!

問佢影相好唔好? 佢答得好快咁話 : 好吖!

又肯企定定望鏡頭同媽咪影

之後又join埋 juju表哥一齊去食雪糕
睇吓表哥仔食雪糕個樣幾攪笑 哈哈!

軼賢小主就含蓄好多喇!
因為比媽咪control住嗎?

當日軼賢小主由朝玩到晚

完全無瞓過，

一上車就瞓著，仲瞓到第二朝呀!

 

題外話：

軼賢媽一連九日長假期雖然好忙

都好想寫晒D Blog

但係Yahoo blog 唔知攪乜

網誌要click幾次先（可能）出到

upload相，十張出得五張

希望大家心想事成!

虎年進步!

雅虎都要進步呀!

• 大年初一,
• 女,
• 情人節,
• 生活記敍