一連5日假期的第一天
軼賢媽一早已安排好d節目
今日一早起床同軼賢小主去食早餐
唔知大家有無留意,Be爸抱住軼賢時,
越來越覺得佢有一副 [有囡萬事足] 的模樣。
第一次晨咁早出新城市廣食早餐
因為我同be爸都想去太興食,果喥d早餐係就係貴咗少少
但係好味吖嘛!
食完早餐都係9點幾
因為軼賢小主想去SNOOPY LAND
去到竟然未開門
於是上咗樓上嘅空中花園玩
hea到10點
SNOOPY LAND開門喇!
未試過咁早係SNOOPY LAND, 無乜人, 任影唔嬲
都有好多個月無同軼賢小主嚟玩 對上果次同佢嚟軼賢都未識行,
今次自己已經四維走喇
同be爸喺巴士喥嘆泠氣
自己上上落落n咁多次?
淨係喺巴士都玩咗好耐!
唔知係唔係貪架巴士有冷氣呢?
喺巴士跑完一輪去玩sir滑梯
少有地企定比我影相
影一輪相之後開始多人
再Shopping咗一陣就返屋企喇!
返到屋企嫻E媽打嚟話休息想過嚟見軼賢小主
仲叫埋婆婆帶思齊表姊嚟同軼賢玩添
一齊去咗飲茶
兩個返到屋企又話要食嫻E媽比佢地嘅餅餅
軼賢第一次食Oreo餅餅
哈哈! 食到好似烏咀狗咁
之後嫲嫲仲叫咗婆婆同E媽係屋企食飯添
咁就過咗第一日假期喇!
セ沙田有個空中花園架? 我都想去呀!