12/7/2010(星期一)
軼賢小主2y5m喇!
Yeah!
體重：30 lbs
刷牙情況：每日2次，
軼賢d牙漬好犀利
點刷都去唔到d漬
令mami好頭痛
後來問咗其他媽媽教用牙膏
再用沙巾去漬先好咗少少
唔知大家仲有無其他方法呢?
戒片片情況：進步好多喇!
平時係屋企已經可以唔著片
最正就係 雖要VV時會叫我地同佢去toilet
不過叫嘅方式好攪笑，係按住肚dum叫哎呀哎呀!
開頭唔知以為佢開大添 haha!
原來只係要去toilet VV
希望快d可以戒晒片片喇!
飲食情況
早 午 晚
3餐奶每次200ml
午餐晚食大人飯
軼賢晚飯喺我地開飯前食先
到大人開飯再埋檯 “攪攪震”
識用伯伯好早前在日本買比軼賢嘅minnie筷子喇!
早餐，飲咗奶食少少燒買，麵包
午餐及晚餐，都係粉、麵、飯
晚餐，再飲一大碗湯，
生果，食橙，奇異金果
鐘意的食物
所有菜菜、紅羅白、午餐肉、叉燒 & 臘腸
唔鐘意的食物
依然堅決唔肯食蛋，點煮都唔食
連掂到蛋嘅食品都唔吃，真係暈呀!
喜愛的零食
雪糕，提子干，山渣餅，芝士乳酪
繼續唔會比糖佢試 ，
因為所有未食過嘅新嘢一試過嘅話
軼賢覺得就有permit
一定可以再食，除非佢自己唔like先唔食
瞓覺情況
早午都睡一次
每次個零鐘
因為夜瞓早起
夜晚訓覺，約8-9個鐘
朝早8:30起身
仍然要奶咀同毛巾啦！
唔知點先可以戒到咀咀呢
一定要有人陪
唔係瞓一陣就會喊醒(唔知點解會知我出咗房嘅?)
大約半個鐘左右都就可以瞓著
興趣方面
鍾意跳舞、唱歌、睇書同 聽故事
睇書會睇埋最後一版，
出版社會用最後一版嚟買廣告
(即除咗哩本書同類仲有其他選擇)
軼賢就會指住最後頁 叫我買埋本 哩本 同果本書比佢
講野情況
有問有答，可以傾吓簡單對答!
最正係
開始識關心人!
前排mami心口痛，透氣唔順
記得有一晚，
瞓喺大床陪軼賢飲奶
mami拍吓拍吓心口，
軼賢立即問：mami您整親吖?
Mami：唔係呀!不過唔知點解好痛吖?
軼賢：咁食藥吖!
Mami : 軼賢乖，mami會食藥嫁啦!
先兩日又問mami好返未吖?
短短兩句話已令mami好窩心
表達方面
專家話齋，要求小孩做事要客氣同講 [唔該]、[謝謝]
有一晚mami同軼賢講，依家好夜喇!
唔該您收埋書本瞓覺喇!
軼賢回應mami，唔好唔該喇!
軼賢覺得 [唔該] 唔係大晒，即係佢唔想咁囉!
Mami反應係，細佬，您都係剛剛識講嘢無耐
竟然識咁應mami!
Mami真係接受唔到囉!
學習方面
識拿住本書反問問題，
指住公仔或物件問爸爸媽媽
what is this? 叫我地答佢
認顏色
基本上已識晒所有顏色及其中英文名稱
開始教佢認形狀
哩樣比較困難
be爸朋友送咗哩set認形狀嘅益智玩朋具比軼賢
軼賢佢好鍾意吖!
但要指定搵be爸陪玩。。。
哈哈! 唔該晒!
呢期又超級鐘意唱歌，識唱好多首
最鍾意唱playgroup Miss教嘅
"小時候"
一日到黑唱不停
好想poos出到嚟,
不過一係影唔到
到影到就upload唔到,
真係呢~
mami好開心今個月明顯有進步
2y5m個月大成長報告差不多喇!
沒有留言:
發佈留言