軼賢發燒吖!

由上11/8星期三返完playgroup
軼賢當晚開始發燒
之後幾日燒吓退吓，
起初醫生驚軼賢係會手足口病，

叫我地要留意注!!!

但觀察咗3日，食晒d藥都仲有發燒
16/8(星期一)嫲嫲有事做要去大嶼山
所以mami攞咗日假想同軼賢去玩
本來諗住同軼賢約兩個表姐去游水
點知軼賢仲有發燒吖!

由早上起身打電話掛號到睇完醫生，
已經十二點幾喇!

返屋企途中，軼賢唔肯行，又唔比lulu抱
一定要mami抱，真係比佢激C我呀!

抱到返屋企仲未完，又唔肯食嘢又唔肯食藥
拎住瞓覺毛巾，一放落床已經瞓著
原來軼賢扭眼瞓!

呢一覺瞓咗三粒鐘，瞓醒已經三點幾喇!
個A leave咁就過咗喇!

Mami真係好怕軼賢發燒，成晚心掛掛起身同佢探熱
所以呢幾晚都唔感熟睡
小朋友一病，夜晚佢瞓得唔好，
即係mami都無覺好瞓~

希望軼賢同各位小朋友都食得瞓得，
身體健康最緊要!

發燒都有一個好處嘅!
就係軼賢又扯高咗喇!