12/12/2010(星期日)
2y10m
自從上次病咗一輪瘦咗好多
嫲嫲話要快d谷返肥d軼賢喎!
所以mami都專登買一set Peter Rabbit靚餐具比軼賢
等佢食得多d同開心d
好在軼賢都好好胃口，
我估好快體重會過30磅喇!
早、晚刷牙：
仲有一個得著
就係自從上次要按住軼賢洗口洗牙
家陣叫軼賢刷牙非常合作，
連軼賢自己都識得講
係咪刷牙就唔駛洗口吖!
真係經一事，長一智。
身高 ：
發完燒真係又高咗喎!
近排一度有37吋高喇!
上幾個月度都係34吋!
原來已經有3尺1吋喇! Yeah!
戒片片情況：
基本上只係瞓覺著片
其它時間都唔駛著片
鍾意玩乜
最鍾意玩煮飯仔
又成日扮伙計，問人食乜嘢?
軼賢(伙計)：食咩吖?
Mami(食客)：我要干炒牛河，
軼賢(伙計)：有吖!
軼賢(伙計)：咁飲咩吖?
Mami(食客)：凍O茶吖!唔該!
軼賢(伙計)：無喎??
Mami(食客)：吓凍O茶都無?
軼賢(伙計)：係吖! 
講嘢方面：
好明顯又進步咗
因為一日咀gel gel無時停。。。
軼賢鍾意講埋哩D：
唔係馬、唔係咁嫁、真係好好笑吖!
有一日
be爸：老婆同我攞乜乜乜!
軼賢：老婆?? 唔係馬!係mami呀! 唔係老婆吖!
真係比佢笑C我吖!
軼賢2y10m嘅報告
完畢!
沒有留言:
發佈留言