6/8/11(星期六)
產假嘅last week
前一晚軼賢話想去圖書館
都好反正都要還書
去圖書館前先去食返個美味早餐先
近排軼賢又鍾意我地講故仔
講完一次又一次
講唔係問題，問題係佢要爸爸媽咪講故事嘅Style要同一樣先係問題
因為講故事時個人表達一定會有出入，
所以爸爸同媽咪講同一本故事書時係會有分別
但當軼賢聽嘅時候就覺得唔同，就會話唔係咁嫁，而有所比較~
所以我地盡量會一人講一本，
講開嗰本就講返嗰本~
近掛天氣唔係大雨就係酷熱天氣警告
所以去完圖書館最好就係喺商場shopping喇!
天氣咁熱好在軼賢鍾意飲水
仲會主動叫我地比水佢飲
睇吓軼賢飲水嘅爆趣look
可以一次過飲大半支水嫁
女仔人家飲多d水都有益d同健美d喇。
食完嘢要趕返屋企，因為有EE嚟探細佬吖 ! Peggy EE第一次見細佬B
媽咪今次記得幫Yvonne EE同細佬B影相喇!
我地又影吓先
題外話
當日我地搭taxi返屋企時爸爸攞住好多嘢~
落咗車先知個handbag留低咗係taxi度~~~
追出去taxi已經走咗喇~
handbag入面有moible、銀包又有keys。
唔見咗果時真係好慌張吖~
軼賢仲識得立即問爸爸
駛唔駛報警吖?
後來返到屋企cut晒d Cards
預咗要補領返晒所有嘢之時
打返爸爸個電話，竟然有人接聽喎
原來係taxi司機接聽
話等緊我地打嚟，想送返個handbag比我地吖!
嘩!果一刻真係好開心吖!
taxi大佬話佢都係後坐乘客執到交比佢，先知有人留低
仲張個handbag送到我地屋苑樓下添~
所以喺呢度真係好想再次多謝呢位taxi大佬
同表楊吓香港人依然係質素咁好嘅!
今次真係好好彩吖!
