Sheldon第一次去沙灘@黃金海岸

30/6/2013(星期日)

軼賢放暑假喇!

近排唔係打風就落雨，

呢個星期天見到咁好陽光

都好想出外玩吓,

放暑假第一個星期天, 就有約喇!

咁啱CAT EE一家同軼賢表姐都約我地去沙灘玩,

一於要同陽光玩遊戲~

 

本應只係mami和軼賢兩個去沙灘，

因為爸爸超級怕曬的，

都無諗住爸爸會去~

後來爸爸肯帶埋sheldon同我地一齊去沙灘, 太好了~

 

 

 

 

 

Sheldon其實好怕去陌生地方,

次次都會好驚, 有會喊一輪做吓樹熊先會適應

Sheldon第一次到沙灘,

表現算係穩定,

一見到有沙玩, 自動波去玩,

 

 

 

 

開頭我諗佢會喊餐飽唔落地會好驚D沙,

因為好多小朋友第一次去沙灘都係好驚踏沙嘅感覺,

呢樣嘢我又估Sheldon唔到~

會接受到唔驚, 叻叻~

不過就唔比mami同佢除衫同換泳裝

唯有慢慢來比佢適應吓先

 

 

 

而軼賢家姐就最開心,

因為軼賢好鍾意去沙灘,

本應有得去沙灘已經好開心,

知道Sheldon 都去,

開心到成個跳起

 

軼賢的新泳衣,

上年果set已經唔著喇~

爸爸話mami好鍾意呢個顏色~

係吖!Mami真係好like呢個色

因為近排都買咗好多嘢都係呢個色~嘻嘻~

 

Sheldone終於肯比mami換泳衣喇!

 

 

 

不過sheldon出完去游水之後嚇驚咗~

因為當日太大浪喇!

唯有返埋位食吓嘢休息吓先~

 

今次mami無帶bb食物~

連奶都無帶比sheldon,

但都有四袋野~

 

 

激似走路,

不過好在的士來的士去,

都已經好好多喇!~

Sheldon午餐,食麵包當晏子,

一次過食咗四片排包+5粒燒賣。

應該好飽喇!

 

 

  

Sheldon成個上午無瞓覺開始謝謝地~

而軼賢家姐就同兩個表姐表到唔願走~

玩到下午3點幾就換衫走喇!

每次游完水指定動作, 食雪糕

見到Sheldon食雪榚個樣真係好好笑~

 

食到成個 “污衊貓”

兩pair姊弟排排坐食雪糕，夠晒friend~

不過當日臨走好塞車,

等咗好耐都無車

可能我地平時都係會閒日去,

所以無試過咁~

點都好, 今次第一次帶sheldon去沙灘都算順利。

仲有唔該晒爸爸陪我地一齊去。

多謝您! 辛苦晒!