Sheldon K1 開學的適應期下

上回講到Sheldon好叻第一次返學,一次都無喊過，

不過自從放完10。1國慶連續5日假期後

6／10開始返學就成日喊，返學又喊放學又喊，

攪到老師打來問我點解，

近呢兩日Sheldon仲日日叫住：我唔返學呀！老師話唔駛返學！

其實我都想問返老師問點解Sheldon唔想返學？

我估係Sheldon開學後，無咗新鮮感，加上學校要守紀律，

又要早起身，所以唔想返學。

最後我想了一個方法，

以退為進咁同Sheldon講，咁您唔好返學喇！

個個人都返工返學，您自己留在屋企，家姐返學表弟返學，爸爸媽媽返工，

無人得閒陪您玩，其他同學仔乖乖返學就有老師講故事，有玩具玩。

之後我再問sheldon,您係咪唔返學吖？

咁我同老師講您唔再返學喇！

Sheldon聽完就話唔好吖！我要返學！！！！

咁先解決了呢件事。