29/11/2008(星期六)
星期六超煩/繁忙,一放工即刻趕返屋企同屋企人一齊食Lunch,跟住要帶波波去打一年一次嘅預防針,去到診所經巳遲到,等咗十幾分鐘,到叫波波個名喇,入到去我巳經同醫生、姑娘講到明,波波打預防針會敏感,上年打針前要打一支抗敏針先,點知醫生唔理三七、廿一,就打落去,我即刻問洗唔洗打埋抗敏針呀? 醫生都話唔洗,咁打完咪返屋企喇,點知,一放波波出嚟,就開始嘔喇!1次2次3次4次.........我都唔記得嘔咗幾多次喇,波波通屋行嚟行去好似唔多妥咁,我就跟住佢嘔完就抹,抹完又嘔。咁唔掂喎,即刻打比診所,同姑娘講波波情況,姑娘話觀察多一陣先,如果過多一個鐘都仲有問題就帶波波返診所,等等吓..........一個鐘後波波開始變樣,波波個頭開始腫,又即刻打比診所話比姑娘知個情況,姑娘叫我地即刻帶帶波波返診所,去到醫生check完波波即刻同佢打抗敏針+消腫針,本來打兩支,一次攪掂,攪到波波要打3支針,仲有要我&老公走嚟走去嚇餐死!攪到約咗人食晚飯都唔去得,因為波波打完消腫抗敏針要睇住佢有咩反應。所以無得出街食飯。激氣!