6/12/2008(星期六)
終於要請外傭喇! 原本有個本地阿姐幫手照顧軼賢小主，本地阿姐同奶奶講做埋12月唔做喇!C喇!咁點算?一路以嚟奶奶都唔鍾意外傭，因為唔鍾意有個唔識嘅人係屋企，又驚同佢溝通唔到，好喇!由阿姐話唔做到依家成兩個月，都搵唔到本地人幫手，奶奶終於開口叫我地請個外傭喇!
奶奶一話肯用外傭，仲唔渣渣淋搵咩!一陣佢反口點算呀!好喇!原來要搵都好煩，搵Agent又要驚間Agent唔好，搵到外傭又要驚個外傭唔嚟，嚟到又驚個外傭唔好，好大壓力呀!!!
唔理得咁多喇!請咗先算喇!因為依家開始請都要兩個半月後先嚟到香港。終於噖晚簽咗個印傭喇!本來我鍾意賓妹多d。因為賓妹會醒d，但係又要顧及外傭同到老爺奶奶溝通，所以要咗印傭。請外傭返嚟好就幫到手，唔好就有排煩。希望一切順利喇!
- 家庭,
- 親子,
- 請外傭都唔知事好事壊
(如你有需要TITI幫手教及同印印講解任何野就話我知啦~~我可以搵一日同個女去你家或約出唻食飯;)