31/12/2008(星期三)
除夕當日要開工，雖然有得早收工，但返到屋企巳經6點幾，又想去愉景新城同Thomas & Friends影相，又要上媽咪屋企打邊爐，因為大除夕當晚剛剛喺媽咪舊曆生日，所以媽咪約咗我地返屋企同佢一齊打邊爐慶祝同倒數。軼賢小主當晚好高興12點都未眼瞓，第一年倒數，喺倒時軼賢小主人叫佢又叫，不過就有D驚驚青青，軼賢小主好似知道要捱完倒數先有得返屋企瞓覺咁，倒數完無幾耐就扭眼瞓要返屋企喇!
軼賢小主喺婆婆新曆生日無佢影相，喺舊曆生日補返數喇!
當晚穎穎表姊同Sandy姨一家同我地一齊倒數。
