10-13 April 2009
第一日Easter Holiday軼賢小主因為發燒所以無出街,但係食咗好多次藥都退唔到燒,下午無事做,又無得出街,咪開VCD比軼賢小主睇喇,開始時BB都睇得好開心架,但睇睇吓經覺得軼賢小主全身好熱,仲成個人呆晒,食完藥都唔夠兩個鐘,一探熱溫度39.7度,再探熱溫度巳經去到40.00度喇,Bebe爸爸話唔好等喇,立即飛的士去沙田仁安醫院睇急症,去到同姑娘講BB發高燒,姑娘立即同BB探熱,仲越燒越勁去到40.5度(攝氏40.5度相等於華氏104.9度) ,姑娘即刻將軼賢小主排Emergency Case去見醫生,醫生立即要BB入院喇! 上到病房坐咗一陣,姑娘就話要同軼賢小主要驗血、抽鼻液&驗尿尿,軼賢小主係勿生環境下BB要比人按住係床,嚇到BB狂喊,但令我最肉痛就係抽鼻液,一支好長嘅管插入BB鼻孔,抽出嚟仲有血絲呀,仲有幫BB抽血攪咗好耐姑娘都搵唔到血管嚟抽血,唯有用橡筋圈住手仔等血管現D喇,BB巳經發晒皮四,我&Bebe爸爸加一個姑娘按住BB先攪得掂同BB抽到血,但係攪到隻手仔留晒血,當時見到咁嘅情景真係好想喊、好心痛。BB仲喊到聲都沙埋,之後喺醫院成晚都唔肯瞓,都唔知係想搵返自己張BB床仔定係嚇親瞓唔著,直至臨天光五六點先瞓咗一陣。我當然亦係無瞓喇!
11/4/09住院第二日 在醫院第二日軼賢小主都係反反覆覆咁發燒,但係好在巳經無再發高燒喇!但係又嚟肚痾添,重痾咗好次。又要check埋係咩事。
幾晚無覺好瞓,日頭有Bebe爸爸同爺爺嫲嫲睇住,返屋企瞓返一陣又要返醫院陪軼賢小主。
好在當晚可以換Bebe爸爸留在醫院陪BB,一般都只可以媽媽一個陪小朋友或BB留院陪瞓,但當晚因為幾張床嘅小朋友都係爸爸留守。所以由Bebe爸爸留在醫院陪BB。
12/4/09住院第三日
在醫院第三日軼賢小主都有發燒,都只係微燒。我都安心好多喇!而軼賢小主都精神好多喇!但係醫生都唔比出院。因為check晒所有野都check唔到係咩事。所以醫生話要等24小時無再發燒先可以出院。
13/4/09住院第四日
在醫院第四日軼賢小主無發燒喇!但係開始出疹,醫生見到BB出疹。就話好事嚟架出咗疹就唔會發燒就無事可以出院喇!因為係玫瑰疹,終於知咩事喇!
以往一直都以為係發完燒就出玫瑰疹,原來玫瑰疹係病毒嚟架。係因為有玫瑰疹所以先會發燒,醫生開頭都唔感肯定BB係玫瑰疹,因為大多數出玫瑰疹嘅BB都係一歲以下的。所以今次軼賢小主係超齡玫瑰疹BB呀!
喺醫院無時做,軼賢小主顧住睇TV(兒童台)
P.S 咁難先等到一個長假期,4日公眾假期就係咁樣過咗,亦都好在有4日假期,如果唔係要請假重頭痕呀! 所以軼賢小主您要身體健康,做個健康寶寶呀!
請 click 入以下網址 : http://yumimami.shoppi..
請 click 入以下網址 : http://yumimami.shopping.babysky.hk /
如有打擾 , 不便之處 , 敬請原諒 !!
唉!! 子澄媽何嘗唔係過著像坐監的復活節假期呀@@