水痘疑雲???

2/4/2009(星期四)

上星期印傭LULU姐姐話身痕，同佢睇咗醫生，DR話佢出水痘，大家嚇餐飽，但係LULU食晒D藥，都未見好轉，個body嘅粒粒重越來越多，所以嫲嫲今朝再帶LULU去睇返上星期嗰個醫生，點知去到個DR又話喇!依家睇睇吓又唔似水痘喎!又似玫瑰疹，又似敏感，之後重攞本書出嚟睇，醫生你唔係化，你睇書都等個病人走咗先睇喇!又話要LULU食抗生素&濾固醇。 嫲嫲一見到咁情況巳經對依個醫生失去信心喇!重點信佢呀!

之後嫲嫲打電話比我話要同LULU再睇第2個醫生，咁我提議叫LULU去睇軼賢小主睇開嗰個DR HUI喇，不過依個醫生超多人搵佢睇病，我地足足等咗一個半鐘先排到，依個醫生一睇巳經話LULU一d都唔似水痘喎，應該係皮膚炎同皮膚敏感，醫生話唔洗擔心唔會傳染比BB，希望睇完DR HUI工人快D好返喇!好煩呀!

Ps. 好野!LULU唔係出水痘，咁唔駛要軼賢小主觀察3星期喇!假期可以搵表姊同其他受朋友仔玩喇!