賞花燈(2009)
4/10/09(追月夜)
中秋夜食完飯太晏
無出去賞月
今晚特登叫嫲嫲早d食晚飯出去追月
每年沙田中央公園都有花燈晚會
上年冇帶軼賢小主彩燈晚會
今年補返數
軼賢小主一入到公園見到咁多花燈
巳眼都唔眨咁望到實
好難影到相呀!
小主成日另轉頭
軼賢媽好鍾意哩張全家福合照
喺咁嘅情況下都影到好開心
感覺好新奇
今年嘅動物燈飾栩栩如生
有玉兔、小綿羊、小鹿...
仲有哩幾隻好趣緻嘅小雞
仲有天鵝，鴨鴨整得好靚呀
軼賢小主睇得好開心呀
哩棧大型走馬燈我諗有成廿幾呎高(好靚呀!)
當晚仲有好多綜合節目表演
軼賢小主睇得好興奮
大會將節目表演分散喺唔同地方
咁就唔會令人群聚集喺同一個位置
大家喺欣賞節目時感覺都安全d喇!
沒有留言:
發佈留言