中秋節@嫲嫲飯飯

3/10/09(星期六)

今日中秋節正日
今晚唔駛出街食飯同人迫

因為嫲嫲肯落廚煮中秋節晚飯
自從軼賢小主出世後

嫲嫲都係第2次肯喺屋企食做節飯
因為每次要煮做節飯都要兩三日之前準備好多嘢嫁

今晚嫲嫲煮咗兩圍檯15個人嘅餸
九餸1翅湯,白飯都唔需載
仲有蒸魚未上檯

正呀!有軼賢媽最愛嘅鮑魚
今晚隻黃油白切雞超好味
軼賢小主都有份食

軼賢小主都知今晚有好嘢食
識自動行埋檯食飯

嘩!軼賢小主您好識食呀!
食過雞脾後嘅軼賢小主唔停口!

仲指姑姐夾哩樣夾果樣
又話要食蝦蝦、肉肉 、雞雞
(真實對白)唔信自己睇片

一路食一路不停講，好似開籠雀咁
今晚d餸又真係好正嘅
大家睇吓個翅湯d翅多到不得了

基本上食完個翅湯都好飽吓喇
飯後仲有甜品
勁多薑嘅湯圓糖水
拍得住阿蘇介紹嘅水準呢!

好飽好滿足嘅中秋節晚飯呀!
辛苦晒嫲嫲企喺廚房成日去煮哩餐飯
****
另外介紹吓今年軼賢小主嘅燈籠先
上年都有買燈籠比小主齊睇未識玩
但今年見到都好似無乜興趣喎

不過爺爺都買咗兩個燈籠比軼賢小主應吓節
哩個喺其中一個Hello Kitty燈籠!
另一個喺會行嘅甲蟲燈籠,
但音樂太大聲,又有強激光,所以無比軼賢玩

本來好想出去中央公園睇花燈晚會
因為食完飯都好晏
所以無出街賞月
留返追月夜先去喇!

 

• 中秋節晚飯,
• 女,
• 生活記敍,
• 軼賢小主