安息吧!

 23/9/2010(星期四)

昨天喺醫院等候探望二舅公期間，

見到一位小妹妹，4-5歲左右，樣子精靈可愛

有位護士ee拖住佢四行

佢天真無邪咁問護士ee~

點解我地成班人仲唔返屋企嘅?

(可能佢覺得咁奇怪，佢想返屋企都唔返得，而我地又咁夜都唔走嘅!)

之後我地又問返佢~

咁您又點解咁夜仲唔瞓四維行嘅?

護士ee代小妹妹答，佢喺醫院已經住咗幾年喇!

每晚都帶佢四維行，去吓7Eleven囉

但細望之下，原來佢係燒傷嫁

頭、頸及耳朵都好傷得嚴重吓

其中有隻手掌燒到冇咗添~

不單止咁

個頭仲要有個好大好大嘅腫瘤，

軼賢媽望住位小妹妹，d眼淚已經不自覺咁流~

個心又嗱住嗱住，好痛

想到外人見到都咁心酸

小妹妹嘅父母一定比我痛心幾百倍~

係突覺得幸福唔係必然。

 

 *****

正當be爸同軼賢媽回家後不久

又收到電話，話二舅情況轉差!

二舅公就因為今次意外昏迷咗11日

喺23/9晚離開咗我地喇!

不愉快的晚上

 

二舅公安息吧!