軼賢媽生日飯什錦blog

今年軼賢媽嘅生日月過得好開心呀!

因為又有得攞正牌出嚟食飯囉!

食咗好多好嘢, 又要減肥喇!

排名不分先後

最早約軼賢媽嘅係Y Law

約咗係沙田食MR STEAK最方便

仲有EK, Y Leung請客食八月花
第一次食哩間，幾好坐，可以舒舒服服慢慢傾

Allison 媽就同我食 “小南國”
因為大家都係中環所以約食Lunch
不過軼賢媽忘記帶相機添(sorry!)
所以無照片提供

VC, CM & 澄媽請食 “金牛丸”
好耐無食過金牛丸, VC專盛安排,
點知當日放工已經覺得個胃唔舒服
跟住去到餐廳就越來越痛
痛到跟本食唔到嘢!
唯有坐至完場
不過大家都知我唔舒服
攪到各位食得唔安樂
仲要快快趣趣食飽送咗我去搭taxi返屋企
攪到大家咁掃興
真係唔好意思吖!

澄媽當晚帶埋澄出嚟!
子澄一見到d餸菜上檯,
立即嘩嘩聲! 好攪笑!
澄媽話佢因為好肚餓呀!

影咗兩張相我已經痛到無心機喇!

好彩無帶埋軼賢到來
唔係仲唔知點算
係度再次多謝各位朋友請軼賢媽食飯
SANDY妹嘅禮物
當然仲有老公送iphone喇!
好開心嘅2010生日月完滿結束
謝謝各位!