17/4/2011(星期日)
近排mami成日都瞓得唔好
每日瞓幾個鐘就等天光
星期日又係零晏2點瞓，5點幾就醒咗
今朝仲連be爸都醒埋陪mami係床傾計~
傾到6點幾7點，連軼賢都醒埋，
好耐無試過咁早出街食早餐喇!
其實今朝係想帶軼賢去剪髮嫁~
但係食完早餐都係8點幾
髮型屋都未開，唯有返屋企先喇!
剪髮前嘅眼瞓look
去到salon，軼賢係都唔肯坐落張椅
最後要be爸抱住嚟剪，
開始剪果時軼賢都無乜嘢!
靜靜咁任由髮型師剪
但係就最怕d頭髮碎~
本來mami同be爸都好唔想同軼賢剪短d頭髮嫁
但係因為軼賢成日比d頭髮遮住塊面
抓到塊面傷晒, 見到都好肉痛吖!
所以忍痛同佢hair cut喇!
剪完大家都以為鬆一口氣~
點知軼賢一照鏡就大喊喇!
髮型師都奇怪點解剪完仲喊呢?
Mami就知喇!
咪就係~
唔舒得d頭髮囉~~
返到屋企比mami見到佢企係床邊不停照鏡，
仲照咗好耐添~
又不停將後面d頭髮撥上前面，
好彩!
個個見完軼賢嘅新髮型都讚佢靚~
