忙、攰、down

真係提唔起心情去寫blog，當然因為好忙，
仲有因為軼賢由4月病到依家都未好返
唔好話寫blog，mami連瞓都無得好好咁瞓過，

超攰，好辛苦，心情勁差，

因為軼賢斷斷續續，唔係發燒，就係咳

發燒成個星期，到唔發燒，

就係不停咁咳

咳到成晚坐喺喥，

be爸都係成晚抱住軼賢等佢舒服d，可以瞓一陣~

但係，好辛苦咁食完藥，一瞓著又咳醒~
真係見到佢都覺得好可憐!
依家仲咳到變咗氣管炎添~

好多謝be爸每晚捱夜照顧軼賢，攪到無覺好瞓，
雖然be爸叫mami瞓先，
但係軼賢又發燒又咳，做父母真係好擔心~
又點會瞓得著吖~
希望軼賢快d好返。
因為mami都就嚟支持唔住喇!

***
而mami我自己就喺上星期半夜突然肚痛，
入咗急症室，要留院觀察。以為BB早產，
當期時真係好驚，因為BB得32週，
如果咁快出嚟都幾麻煩。

好在有驚無險~

希望平平安安快d到預產期喇!