自己上課的第一天

5/9/11

軼賢今日正式自己返學喇!

Mami之前一晚問定佢，

您返學會唔會喊嫁?

佢好肯定咁答我!唔會呀!

嫲嫲見佢上車都無喊
仲見到其他小朋友喊時，叫佢地唔好喊添!

以為軼賢好叻喇!
之後軼賢放學後
打電話想讚軼賢叻叻喇!
Mami: 返到學校有無喊吖?
軼賢 : 有吖!見到同學喊，我咪喊囉!
後來老師話，您地各位同學唔好再喊喇!
好快趣食完茶點就放學喇!
咁我就無喊喇!
hahaha!

聽到之後mami真係笑到喊吖!
其實係有一點感動
因為覺得阿囡開始大個喇!
開始要適應離開爸爸媽媽去學習同接觸新事物
第一次離開屋企無爸爸媽媽陪佢返學
mami相信軼賢都要一段時間去適應
其實依家望返真係唔想d時間過得咁快
由bb到軼賢返學,
諗返d時間真係過得好快
所以我地幾辛苦都要仔女夜晚同我地一齊瞓。
 

希望軼賢讀書聰明，喜歡返學，
無休無慮地學習同好好享受校園生活~