軼賢開學了!

29-31 Aug 2011

軼賢期待咗咁耐

終於等到開學喇!

軼賢係未返學之前果個星期仲緊張都失眠添吖!

 

返學嘅頭3日可以有爸爸媽媽陪

第一至&第二日mami陪軼賢上堂

返到學校每件事都令軼賢感覺新奇同有趣的~

一返到學校，有d緊張

 

坐一陣又望吓mami有無走咗去?

隔一陣又走埋mami身邊要我攬住佢，

第一日都係學生同家長一齊唱歌玩遊戲

跟住食茶點再去洗手間

咁就放學喇!

因為呢個星期都係返個半鐘，

返到學校祈禱、背主主禱文、再唱歌

之後洗排隊手食茶點，再排隊去洗手間vv

已經夠鐘放學喇!

 

第二日

軼賢已經無咁緊張喇!

今日家長同學生一齊做手工

mami同軼賢一齊整月餅吖!

做月餅前mami同軼賢一齊整咗個籃用嚟載月餅吖!

之後軼賢自己整餅同倒模

完成作品

又排隊去洗手

跟住食茶點再去洗手間咁又一日喇!

 

第三日

今日遊戲日由爸爸帶返學~

爸爸話軼賢玩得好開心吖

因為有跳彈床

又有波波池

全部都係小朋友鍾意嘅環節

不過，爸爸話軼賢一路玩一路都望吓望吓

驚爸爸走咗去吖~

三日家長陪上堂完結喇!

星期一就係軼賢自己返學無人陪喇!

大家估吓軼賢會唔會喊呢?

待續!