30/4/2012(星期一)
時間真係好快過呀!
Sheldon話咁快就11個月喇!
開始懂事同好似好識野咁，
終於肯自己經拎住奶樽飲奶喇，
鍾意四維爬，由廳爬入去房續間房搵家姐，
識得拍手，一講“好嘢”佢就拍手，
你同佢ByeBye，佢又識同你ByeBye。
最開心就係有野食，食到後會開心咁拍手笑晒~
學行進度
近排鍾意扶住欄杆行!
又或者扶住行2至3步!
Shelodn學行超興奮!
出牙進度
第1及第2隻牙喺8個月出(下門牙)
第3及第4隻牙喺10個月始出，都幾大隻吽咗好耐都未出得晒!(上門牙)，
但係吽上門牙就令Sheldon瀉咗3個星期，
真係好悽涼，pat pat都紅晒，真係好肉痛。
體重
21磅左右
因為肚瀉，所以今個月應該重輕咗~
學講野進度
識叫爸爸
又會叫媽媽
食嘢果時又係比得慢就會叫mum mum
表達方面
之前乜都耍手兼擰頭，
依家問佢好唔好識得點頭示好。
鍾意D咩!
為食，依家大人食野佢一定要有份食，仲要食好多
唔係咩都比得佢食架嗎!唔比佢就喺度又叫又喊。
正一為食仔
鍾意睇書
之前一比本書佢，就係撕爛本書，依家識一頁一頁打開睇，
之後會好開心咁拍手掌比自己讚自己叻，又鍾意大人讚佢叻!
總括嚟講，喺依一兩個月識多好多野，
同大個咗，連d衫褲袖都短咗，
連瞓喺bb床都覺得Sheldon長咗好多!
11成長報告講住咁多先!
5月尾就一歲仔喇!
好開心吖!
