開心放暑假2012 ~

6 July 2012(星期五)

 

軼賢放暑假喇!

第一年放暑假嘅軼賢

又期待又怕悶

因為mami記得軼賢喺放復活節假時

悶到喊吖~

所以mami今年一早幫軼賢安排了一連串暑期活動及暑期課程

 

等軼賢可以開心放暑假~

 

今日要為軼賢返學校覆晒結業禮相片

軼賢有份上台攞獎吖~

所以mami要請定假返去曬相

因為過後就無得補晒嫁喇!

 

 

揀完相喺學校四圍行吓先~

 

軼賢話比mami知呢度有佢嘅相吖~

大家見唔見到邊個係聰明隊嘅軼賢呢?

睇返d入學時相片，

已經唔同樣喇

大個咗好多吖~

仲有~

軼賢平時好少可以喺學校四圍行，

所以佢都好開心~

軼賢就係二月份生日的同學們~

同聖母像影相後就返屋企喇!

 

下午同軼賢搭火車去黃埔

軼賢學晒大人要拎住個袋，成個八妹仔咁~

我地約了CAT EE &芷澄

去咗Pizza Hut食個晏先~

 

本想同佢地去playhouse玩

點知原來都幾貴吓，要成$75元一個小朋友~

後來原途經過黃埔有好多playground

軼賢話想係playground玩

之後就由cat ee帶路去咗黃埔玩咗好多個playground喇!

軼賢只係玩不同嘅游樂場已經好開心喇!

開心其實好簡單。。。

 

打鞦韆嘅軼賢又玩又驚驚~~

因為沙田好少見到有韆鞦打~~

再去另個游樂場

軼賢愛上了韆鞦

之後我地轉戰  和黃公園

 

呢處地方又大又舒服

又多嘢玩

仲好涼爽添

 

依家同軼賢出街好容易，

唔駛點理，只要望住佢玩，提佢小心d就可以

當日軼賢好乖，全程無扭計

小朋友喺乖嘅時候 係特別可愛的~

 

三個小朋友玩到唔願走

當日唔該晒Uncle Willow專盛行去supermarket買汽水比我地飲~

夏日炎炎，有支冰凍汽水，好爽吖~~

軼賢嘆住汽水去睇魚、龜~

 

 

原來芷澄話佢地隻龜龜嚟咗呢處住吖~~

 

三個一齊搵龜

之後仲再去多一個游樂場添

軼賢今日夠晒皮喇~

之後 問小朋友想食乜嘢?

個個答案都係得一個….

就係Mc噹噹~~~

大人細佬都開心

其實mami都好鍾意食~

呢位小姐咩事?

 

攰到傻咗????哈哈!!!

玩到臨近放工，joint埋爸爸一齊回家~~

軼賢今日真係玩到好開心吖~

• 和黃公園,
• 黃埔花園