2013蛇年 -大年初三 軼賢5歲 - Happy Birthday !

12 Feb 2013 (星期二)(大年初三)

一轉眼軼賢已經5歲大喇!

和嫲嫲爺爺飲完茶同軼賢出咗去揀生日禮物，

 

一入到反斗城，叫佢揀禮物，不用考慮就要愛滑板~

其實佢都要求咗好耐~

不過mami堅持唔買比佢!

因為怕佢整到受傷~

但係見到軼賢咁鍾意

mami同爸爸都想軼賢開心

所以就買下了。

之後仲有得去食佢至愛，熊仔糖+乳酪

下午去咗伯伯屋企拜年

原來軼賢嘅表哥表妹都到咗喇!

 

軼賢見到jojo表妹好肉緊，

嚇到jojo喊添! Sorry喔!

 

今年軼賢同嫲嫲同一天生日

真開心~

 

當晚訂咗房食晚飯,

點知原來係一個大廳

大到軼賢可以玩滑板

同四維走都無問題，




小朋友頭圍食先，食飽飽又有playroom比小朋友

今次大人小朋友個個都超級 happy~

知道嫲嫲和軼賢今年同一日生日

mami一早訂定蛋糕一齊慶祝

祝嫲嫲

身壯力健  百子千孫

不過軼賢呢排情緒好唔穩定

影完呢張後

叫佢切蛋糕時佢已經咩都唔肯做喇!

仲驚到又想喊

之後都要爸爸抱住影相~

而細佬今晚就玩得好開心

成個下午無瞓覺都無扭計

 

 

 

希望軼賢又大一歲

身體健康，聰明伶俐，

心情開朗，日日笑口常開!

 

爸爸mami,細佬錫晒您!