Ella and Sheldon: 海洋公園日

琴日妹妹Kei Kei 生日，

我地同媽咪一行九人，哝.....味啫九男女，

去左海洋公園，對上果次入園係兩年前，

今次終於同到媽咪去海洋公園，

原來媽咪上一次去海洋公園巳經係成30年前喇!

都唔知點解我地咁多年黎都去過無數次海洋公園，

但係都無預媽咪，因為好多時係同朋友去，

但係都無諗到專成叫媽咪去玩，

忽然間問起媽咪有幾耐無到過海洋公園先知原來佢咁耐無黎過。

小時候，

喝望父母同我地去邊到邊到玩，

到成長既時候原來父母亦喝望子女帶佢地周圍去玩，只不過父母從來無要求我地帶佢地去玩。

今次既行程唔係主力玩機動遊戲，

所以我地只係玩左滑浪飛船，連媽咪都夠膽玩，

不過一開始就玩依個Game，

巳經整到全身濕晒，

下次要記住唔好玩滑浪飛船先啦!

淨係排玩滑浪飛船都排左成個鐘

雖然天氣好好，但係真係好熱。

纜車上最舒服，真係有風有景

穎穎好乖，全程都無扭計。

思齊可細個d，成日要媽咪抱，所以我都會等軼賢小主大個d先同佢去海洋公園。

好鍾意功夫熊貓，所以係功夫熊貓木人巷度影左好多相，好開心!

D職員話仲有幾日就完啦!

係灣景餐廳休息及留影

兩個小朋友最想睇盈盈樂樂大熊貓，但係入到去熊貓館盈盈、樂樂、安安、佳佳全部瞓晒覺。