軼賢小主打針日

今日軼賢小主要打4合1針第三針同乙型肝炎針，

兩支針一齊打，

軼賢小主打完第一針都未痛完，

第二支又打落去，

最好笑就係姑娘同佢第一支針搽火酒，

佢都未知咩事，到打完第二支針，

再搽火酒，佢就識驚同想縮啦，

我見到第二支針好粗，好肉痛，

我諗軼賢小主都覺得好痛，

好彩有帶埋佢最鍾意既瞓覺毛巾，

軼賢小主就係靠咬住條毛巾咬緊牙關咁頂左兩針，

好在都係娃娃聲喊左一陣就無喊啦。

但姑娘話今次兩針一齊打應該會發燒，希望唔會啦!

軼賢小主今日既體重係7.9kg(17.382lb)，

姑娘話佢既體重適中，唔好過肥。

另外係測試軼賢小主既視力同聽覺，

軼賢小主都係將姑娘比佢既玩具第一時間放入口度食，

另外軼賢小主係企立同坐立，

姑娘話佢都企得好硬正同坐得好穩陣。

 

打針前，無野做影吓軼賢小主扭計樣

等到唔耐煩

打完兩針出黎兩隻肥肶都有流緊血，好肉痛呀!!