星期天@(上) 園州角公園
7/6/2009(星期日)
今個星期日天氣非常好,無落雨,猛烈嘅陽光
同軼賢小主去第一城食早餐,
今朝又比我地搵到個好位
我地在等bebe爸爸買早餐到來期間
軼賢小主無聊喺喥幫阿嬸抺檯
近排好鍾意模仿工人抺檯抺地,認真攪笑
又鍾意用叉自己“吉”嘢食
總之一坐埋位就不停食、不停食
食完早餐,又係遊樂場時間,
今朝去咗園州角公園入面嘅遊樂場
我同bebe爸爸都係第一次帶軼賢小主去e個公園
e個公園好大,有好多小朋友喺喥玩
平時喺屋企附近嘅遊樂場無人同軼賢小主爭
喺多小朋友嘅遊樂場就要順便教埋軼賢小主要識守秩序
我都唔記得由軼賢小主幾多個月大開始,
巳經習慣唔理佢明唔明都同講道理,
特別喺外面同其他小朋友玩時要有秩序、要排隊
因為個個小朋友喺屋企都係金叵蘿,寵壞晒!
去到遊樂場小朋友咩都爭一餐,
軼賢小主第一次玩打韆鞦
開始玩我似為BB驚驚地
原來佢話唔夠高,推高d就好happy喇!
沒有留言:
發佈留言