7/5/2009(星期日)
星期日去完遊樂場我地返咗嫲嫲屋企等軼賢小主係瞓覺,通常由10:30am起碼瞓到12:30pm,當日軼賢舅婆嚟搵我地飲茶,傾咗一陣入房睇吓軼賢小主瞓成點,可能大家喺大廳講嘢大聲咗少少。一開門就見到軼賢小主企咗喺喥,喊晒口,心諗平時瞓醒,都會笑架,至多坐床仔玩或者拍門叫我地,一睇原來軼賢小主隻豬腳仔(大脾)夾咗喺BB床隙抽唔到出嚟,喊到傻咗,個個又驚、又急、又唔知點算好。我一路安撫住軼賢小主,突然諗起叫工人攞cream嚟,一大”pat” cream ”pat”落大脾.......慢慢......慢慢將條脾仔抽返出嚟喇!
好肉痛呀!夾到大脾仔紅晒,好彩軼賢小主條大脾夠晒多肉,唔係好傷,真係好彩。
跟住喊咗一陣,諗起最好嘅定驚方法就係餵軼賢小主食嘢係,食完粥粥巳經唔記得發生過咩事喇! Good Girl!
之後去咗屋苑商場飲茶近排鍾意學大人揸機影相,不過仲未識,
每次同佢影完例必要睇返一次
仲要幫姑姐映相添
軼賢小主e個為食妹去飲茶
見到我地食嘢又點會唔問我地攞吖!
咪比隻叉佢自己 “吉吉”吓慢慢玩,
yummy! yummy!
食完嘢飲吓水!真係乖!
好在軼賢小主鍾意飲水,每日都會飲好多水
囡囡要飲多d水皮膚先會好架!