14/6/2009(星期日)
今個星期日難得的軼賢小主竟然瞓到8:45am.
好耐無試過星期日瞓到over 8:00am。
但可惜e個星期天都係落雨呢!
所以早餐都係叫bebe爸爸買外賣。
當然軼賢小主落雨更係連公園遊樂場都無得去喇!
唯有喺屋企玩喇!
平時每晚軼賢小主返到自己屋企都係飲完奶就瞓覺，
朝早又係瞓醒飲完奶就由嫲嫲&工人接走，
所以佢都唔係好多時間係自己屋企玩，
可能因為咁，
所以來來去去得果幾樣玩具同圖書佢都仲未玩厭。
睇吓書書，
當住窗台係遊樂場先喇!
爬吓窗台，
望吓街望吓樓下遊樂場
無得去遊樂場放電
悶到發傻
玩一陣十點幾又過嫲嫲屋企!
今朝軼賢小主可能瞓晏咗，上午唔肯再瞓。
是日午餐去咗Festival Walk's (皇后餐廳)。
係我至愛餐廳之一
好鍾意飲呢間餐廳嘅羅宋湯。這碗羅宋湯比一般嘅羅宋湯唔同，
這裡的羅宋湯味道夠濃又多椰菜。就連餐包都好好味。
今日order咗黑椒牛柳，肉質好，
黑椒汁辣咗少少。總括嚟講都好好味。
軼賢小主著靚靚去食西餐，
軼賢小主：Waiter! 唔該!
我要ORDER呀!
軼賢小主：我想要C餐(走牛扒)哈哈!
你地估吓軼賢小主食d乜!
勁囉!就係全包宴!
睇佢食等得幾滋味!
出又一城都係因為要幫軼賢小主買鞋
去咗Dr. Shoes(鞋博士)
今日買咗一對盛為七百幾元
我認為好貴嘅鞋比BB
本來唔想買咁貴嘅鞋比BB
(但又因為軼賢小主有d八字腳-向內)
唔知大家明唔明我表達
因我又聽人(報紙)講, BB腳型未定，唔好咁快比佢地著橋正鞋，基本上每個ＢＢ都係偏平足，所以不需過份擔心～所以我初時都有諗住買對貴鞋比子澄，但最後取消左呢個念頭了！而且子澄Ｄ鞋..
因我又聽人(報紙)講, BB腳型未定，唔好咁快比佢地著橋正鞋，基本上每個ＢＢ都係偏平足，所以不需過份擔心～所以我初時都有諗住買對貴鞋比子澄，但最後取消左呢個念頭了！而且子澄Ｄ鞋最多著兩個月，跟住就會鞋到爛或唔啱著，依家買涼鞋比佢就最啱不過了^^
你把風扇咁近ELLA, 佢都唔搞真係乖^^仲有, 就係呢D硬皮書搞到子澄下巴損左@@(拎住周圍行, 唔小心跌低就整親), 我家的膠墊已拎起, 果本破皮書都比子澄咬到硬紙都爛埋@@我又收埋左囉~~佢都係只適合布書架啦@@