30/12/2009
哈哈軼賢媽都仲係寫緊2009年嘅blog
無辦法喇!
近排太忙喇!
好早前已經想同軼賢小主去睇燈燈嫁喇!
終於今晚約到出嚟影相喇!
放工後約埋be爸搭Star Ferry過TST前留影
香港區嘅大廈燈飾真係好靚呀!
等爺爺嫲嫲帶軼賢小主出嚟joint埋我地
好在當日原來軼賢伯伯放假
伯伯咁錫軼賢，專登開車載軼賢出TST呀!
唔該晒!
等軼賢小主之際叫be爸幫軼賢媽影返幾張相先
一到現場更係第一時間影咗海港城先喇!
雖然X’mas過咗，但一樣係咁多人呀!
軼賢小主第一次出TST睇燈燈
所以雙眼都係不停望住d燈燈
叫極都唔望鏡頭
好開心!
等咗咁耐終於先可出嚟影到聖誕燈飾相喇!
影完相坐低食Dinner
唔出去影相其中一個原因係怕多人
驚TST無檯食飯
又好彩比軼賢媽Book到位喺海港城食喎
是日晚餐[Panash Bakery & Café]
哩度d麵包出咗名好好味嫁
連食飽飽先出嚟嘅軼賢小主都食到唔停口
自己拎住個包包成個食晒都未夠喉
軼賢媽order咗
南瓜忌廉湯
煙三文魚天使麵
軼賢小主哩張相個樣好
曳呀!
軼賢食完包包指住商場話車車
要出去玩
叫埋be爸陪咗軼賢媽&小主出去影吓相行吓
原來係後面架木車車
哩d好似用好多個奶樽刷製成嘅X'mas Tree
有好大隻Miffy呀!
軼賢小主立即走埋去攬住Miffy呀!
大家食飽飽準備去下一個影相點
前水警總部「1881 Heritage」
哩處環境真係好靚呀!
去到影第一張相就落雨喇!
快快手同軼賢小主影返張
+埋爺爺嫲嫲be爸爸
到be爸揸機等伯伯有份影
之後仲越落越大雨
被迫要走喇! 真係好掃興呀!
下次一定要再嚟過
***
雖然落雨
但係好在有伯伯車我地返屋企
正因為當晚天雨路滑
落車時又拎住好多嘢!
就係咁....
軼賢媽落車時成個人向前PK咗!
仲要PK到雙膝頭瘀晒呀!
但係我第一時間唔識疼
只係對be爸講
好在唔係抱住軼賢小主一齊PK咋!
如果唔係。。。
之後返到屋企仲要比Be爸笑軼賢媽，
話我做咗人阿媽之後真係唔同d。
換咗以前，軼賢媽PK完咪只係掛住喊囉
但家陣竟然第一時間諗
好彩冇抱個囡喎!哈哈!
其實我咁諗都好正常遮
雖然有少少不愉快事情發生
但總算今年可以同到軼賢小主去影燈飾吖!
如果可以
軼賢媽希望每年X'mas
都可以一家人去影相&睇燈燈喔!
我都係話，趁兩個女仲肯痴我的日子，一定年年同佢地去呢^^