3/1/2010(星期日)
星期日諗住軼賢小主會早起身，同佢食完早餐後可以眠一眠，
等中午出發去街街
但係世事往往都係事與願違，
所以軼賢小主喺無差電嘅狀態下出街
每次都好驚軼賢會扭眼瞓而發爛
不過哩個約會點都要出席嘅
因為軼賢小主升呢呀!
升咩呢?
軼賢小主：我做表姐呀! YEAH!
第一次見New Born表妹Rianna呀!
介紹吓表妹Rianna先，
今日剛剛12朝
好精伶!好可愛!好抵打嫁!
哩位小公主真好乖 好錫媽咪嫁!
食飽就瞓，
瞓醒又食
BB最緊要好湊!
***
同場見到JuJu表哥，唔駛warm up
即時有交流
仲要手拖手喺床玩添
JuJu表哥好有風度
連自己心愛嘅bear bear公仔都肯借比軼賢表妹玩
Good Boy!真抵錫!
***
兩個柴娃娃輪流睇表妹!
(兩表兄妹無聊對話)
軼賢：表哥到您睇BB喇!
表哥：我都睇完BB喇! 不如出客廳搵嘢玩吖?
表哥：表妹有新嘢玩呀?
軼賢：係咩嚟嫁?
表哥：哩個係最新款嘅室內無線電話呀!
軼賢：表哥您點知我最鍾意玩電話嫁?哈哈!
表哥：您玩咗好耐喇? 輪到我玩未呀?
軼賢：哼! 比返您囉!
之後軼賢真係有比返個電話表哥呀!
不過唔遞比表哥，而係掉落地下
所以比軼賢媽鬧，加上扭眼瞓
就係咁樣。。。
軼賢小主抱抱吓瞓著咗喇!
因為又有第六批訪客探BB!
所以都係時候返屋企喇!
趁軼賢小主瞓咗同BB影相先
希望Rianna表妹
肥肥白白，人見人愛
身體健康，日日開心
滿月再見!
