大除夕晚
今日一放工立即返屋企接埋軼賢去Kei 妹屋企，
今年Kei細妹專登攞假
為我們了預備除夕倒數BBQ Party
好感動喔!
開車出發去Kei 妹屋企喇!
不過當日有d擔心軼賢小主狀態
因為有人無瞓晏覺囉!
軼賢小主個樣幾“謝”吖!
軼賢媽心諗，死火喇!
咁點頂都到倒數呀!
到達Kei 妹屋企時仲係“呆呆”地
不過warm up一陣就成個醒晒喇!
因為有兩個表姐陪佢玩嘛!
不知幾Happy!
先嚟玩氣球
又嚟攬頭攬頸
食嘢又攬埋一齊
軼賢小主見到兩個表姐飲益力多
佢都唔轉執輸，又問軼賢媽攞嘢飲喎
不過竟然唔係問攞益力多喎!
只係話要水水咋!
Good Girl!飲水健康d嘛!
真係好高興呀!
原來比咗咁多心機時間要軼賢小主習慣飲水
係無白費嘅!
三位大少姐玩咗乾杯後
又玩美女廚房
但係齊齊喺自己地頭玩兩玩都無興趣喇!
得返Wing Wing表姐陪軼賢小主玩
小朋友真係隔壁飯香，
喺屋企咩玩具都無興趣
去到人地屋企就咩都玩一餐
仲要係咁大座礿廚房添
當晚軼賢小主淨係玩美女廚房
自己都玩咗成粒鐘呀!
唔知買座廚房比軼賢小主
喺屋企又會唔會玩到咁耐呢?
鏡頭一轉
又玩跳舞喇!
大姨媽間唔史都有開班教小朋友跳舞
當晚大姨媽即場開班教跳舞
軼賢小主仲要好認真咁望住了大姨媽每個嘅動作
真係好認真喎!
***
大人傾吓講吓，小朋友玩吓哩樣玩吓果樣
話咁快過就夠鐘倒數喇!
10, 9, 8, …..3, 2, 1
2010年!
Happy New Year!
新年進步!
***
倒數完轉個頭又有Surprise，
Kei 細妹突然拎咗個Birthday Cake出嚟!
嘩!仲要係Kei細妹之前一晚漏夜趕工親自整嫁!
喺特別用嚟比Sandy同佢提早慶祝生日呀!
Blueberry Cheese Cake ! 好好味!
玩到零晨時份真開心！因我無私家車，
帶住兩個女，仍然堅持10點前回家^^