軼賢小主兩歲三個月

 

12/5/2010(星期三)

軼賢小主2Y3M成長進度開始

 

最大及突破應該係身高：34”高

即係差2寸就3尺高喇! Yeah~~~

好多人都話軼賢比起同齡小朋友高

不過都係果句，身體健康最緊要

 

體重：大約30 lbs，因為今個月未磅

 

其次就係講野情況

哩個月講野進步神速

遠比我想像之內，

有時真係想問返佢

識講咁多嘢!

係邊到學返嚟嫁?

 

戒片片情況：好失敗

雖然可以唔著時唔會立即瀨vv

但係提佢去vv就超級唔合作

 

喜歡的食物

白飯併叉燒，臘腸，魚肉燒賣，

 

肉類：白切雞，牛扒，豬扒

 

最愛：朱古力蛋糕，法包，蛋糕，保嬰丹

試過自己走去櫃桶攞合盒保嬰丹叫軼賢媽開比佢食，

 

問軼賢食想食提子乾定食保嬰丹, 佢答我想食保嬰丹

真係想暈呀!

 

愛的零食

芝士乳酪，提子乾，雪糕

 

喜愛的飲品

嫲嫲中湯

超級鐘意飲水，會主動要求飲水，

有時飲完一杯重話再要。

有時覺得佢飲得太多。

 

唔鐘意的食物

依然唔肯食蛋，用乜嘢方法煮都唔食

希望您大個後，考試都唔好食蛋喇!

 

瞓覺情況

依然會早午都睡一次

每次個零兩個鐘左右

但係夜晚越來越夜瞓

 

興趣方面 

近期都係鍾意睇書

尤其係每晚臨瞓前一定要睇過書先前肯瞓覺

軼賢媽非常enjoy臨瞓前陪軼賢一齊睇書哩個moment!

有時be爸聽到我地玩得咁開心都會joint埋一份

軼賢小主2歲3個月的成長進度

報告完畢!