近排軼賢小主好自我,
樣樣事情都會同大人唱反調,
越叫佢做乜,就偏唔做,
叫佢唔好攪唔好掂,就攪多兩吓
由其近排同佢換衫、沖涼、換片etc…….
所有事情都係 “激” 到你火都嚟埋!!!!!
好似噖晚就發生一件不愉快事件
諗住同軼賢換衫返屋企喇,
又係點都唔肯換,已經”又哎又西”
細聲講到大聲都唔聽
已經扯到件衫 “wear晒”喇!
突然間果刻好忟好燥,
好大聲咁 “喝”咗軼賢一吓
軼賢當時都一嚇一嚇,
仲立即走嚟要我攬住
嫲嫲當時都係現場 望住好肉痛咁講
我聽到佢細細聲咁話“痴” “痴”講咗幾次
果一刻十級唔開心呀!
第一次有咁情況!
之後用咗20mins好辛苦先同軼賢換到件衫返屋企。
返到屋企坐坐吓諗返頭先事情,d眼淚就不自覺咁流出嚟!
Be爸問我咩事? 我都唔想再講。
其實都唔知係因為剛才“喝”完軼賢唔開心?
定係比奶奶咁樣話完唔開心?
我都唔知點解會咁?
總之心情就好差喇!
大家比的意見我?
1)..
1) 叫佢換衫佢唔換: 我就會同佢講:-哦你今日唔想返屋企喇..咁好啦你留O係婆婆到啦, 我同爸爸走喇!跟住佢實好快咁叫我同佢換衫走..
2) 叫佢兩次佢都反叛..我就會唔出聲坐埋一邊唔望佢唔理佢..<當然係時不時用眼尾望下佢有咩反應>..等佢知唔聽話媽媽會唔開心..跟住佢會自然走埋黎同你講野..咁你就可以同佢講:你唔聽話, 媽媽會就係咁架喇!之後佢就會好快咁你講咩佢都做..
P.S. 2) 要O係唔急趕既情況下先可以用
老人家通常見到我地"喝"佢地個孫都係咁既反應, 人之常情. 我地第日可能重更加差呢..唔好放上心..過去就算, 最緊要仔女係自己..自己盡力教佢就OKAY啦..全世界唔明..老公明你未得囉!!開心D啦人地既媽咪